تەڭىز كەن ورنى «قاشاعاندا» قۇبىرلاردى اۋىستىرۋ بيىلعى جىلدىڭ كوكتەمىندە باستالادى
دەپ حابارلادى اتىراۋدا ءوتىپ جاتقان «مۇناي- گاز قۇرىلىسى مەن ينجينيرينگ» كونفەرەنتسياسى اياسىندا NCOC كومپانياسى باسقارۋشى ديرەكتورىنىڭ ورىنباسارى جاقىپ مارابايەۆ.
«قۇبىرلاردى سالۋ كاسپيدە مۇز ەرىپ، كەمەلەردىڭ قوزعالىسى مۇمكىن بولعان كەزدە باستالماق. العاشقى جۇمىستار كەن ورنىنىڭ تەڭىز كەشەنىن قۇرلىقتاعى «بولاشاق» قۇرىلعىلارىمەن بايلانىستىراتىن قۇبىرلاردى توسەۋدەن باستالادى. ماۋسىم ايىنا دەيىن بالىقتاردىڭ ۋىلدىرىق شاشۋىنا بايلانىستى ەكولوگ ماماندار تەڭىز وپەراتسيالارىن جۇرگىزۋگە تىيىم سالدى. تىيىم الىنعان سوڭ، قۇبىرلاردى توسەۋ جۇمىستارى تەڭىز ىشىندەگى ۋچاسكەلەردە دە جۇرەدى. جۇمىستاردىڭ اياقتالۋى 2016 - جىلدىڭ سوڭىنا جوسپارلانعان»، - دەدى ج. مارابايەۆ.
