اسكەري دابىل: ق ر اۋە قورعانىسى كۇشتەرى جەردەگى «قارسىلاسىن» بومبىلادى - فوتو
«وتكىزىلگەن وقۋ- جاتتىعۋدىڭ باستى ماقساتى - باسقارۋ ورگاندارى مەن جەكە قۇرامنىڭ قويىلعان تالاپتاردى ورىنداۋدا بىرلەسكەن ءىس- قيمىلىنىڭ تيىمدىلىگىن ارتتىرۋ»، - دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.
قورعانىس ۆەدومستۆوسى ءمينيسترىنىڭ كومانداسىمەن اۋە قورعانىسى كۇشتەرىنىڭ قۇرامىنان جاۋىنگەرلىك كەزەكشىلىكتى جۇرگىزىپ وتىرعان كۇشتەر مەن قۇرالدار اۋەگە كوتەرىلدى. تالدىقورعان قالاسىنداعى ءا ق ك- ءنىڭ 21751 اسكەري ءبولىمىنىڭ ۇشقىشتارى وقۋ- جاۋىنگەرلىك دابىل كەزىندە شارتتى اۋە نىسانالارىنا توسقاۋىل قويىپ، جەردەگى «قارسىلاسىن» بومبىلادى.
اتالعان تەكسەرىستىڭ باستى ەرەكشەلىگى - ونىڭ جاساقتار ءۇشىن كۇتپەگەن جەردەن بولۋى. بۇل رەتتە وتكىزىلگەن شارالار تەكسەرىلگەن قۇرامالاردىڭ اسكەري دايارلىعىنىڭ جاعدايىن باعالاۋعا، قازىرگى پروبلەمالاردى اشۋعا، كومانديرلەر مەن بارلىق جەكە قۇرامعا قويىلعان مىندەتتەردى ورىنداۋدا تاجىريبە الۋىنا مۇمكىندىك بەردى.
«سونىمەن بىرگە اسكەري دايارلىق جاعدايىندا جانە جەكە قۇرامنىڭ جاتتىعۋشى دەڭگەيىندە ءبىرقاتار جۇيەلىك كەمشىلىكتەر انىقتالعان»، - دەلىنگەن حابارلامادا.
