ق ر ۇلتتىق بانكى ەكونوميكاداعى دوللارلانۋ دەڭگەيىن تومەندەتۋ جونىندەگى شارالاردى اتاپ ءوتتى

دەپ حابارلايدى قازاقپارات ءتىلشىسى ق ر ۇلتتىق بانكىنىڭ باسپا ءسوز قىزمەتىنە سىلتەمە جاساي وتىرىپ.

ايتا كەتەيىك، ۇلتتىق بانك ۇكىمەتپەن بىرلەسىپ قازاقستان ەكونوميكاسىن دوللارلاندىرۋ دەڭگەيىن تومەندەتۋ جونىندەگى 2015 - 2016 - جىلدارعا ارنالعان ءىس- شارالار جوسپارىن ازىرلەگەن بولاتىن. اتالعان جوسپار ۇكىمەتتىڭ 2015 - جىلعى 17- اقپانداعى ماجىلىسىندە، ۇلتتىق بانك باسقارماسىنىڭ 2015 - جىلعى 25  - اقپانداعى وتىرىسىندا ماقۇلداندى.

جوسپار ءۇش نەگىزگى ستراتەگيالىق باعىتتى قامتيدى: ماكرو ەكونوميكالىق تۇراقتىلىقتى قامتاماسىز ەتۋ، قولما- قول اقشاسىز تولەمدەردى دامىتۋ جانە كولەڭكەلى اينالىمدى قىسقارتۋ، ۇلتتىق ۆاليۋتانىڭ شەتەل ۆاليۋتاسىنان باسىمدىعىن قامتاماسىز ەتۋ.

«ءبىرىنشى باعىت بويىنشا، جوسپاردا ەكونوميكانى ءارتاراپتاندىرۋ جانە وندىرىلەتىن تاۋارلاردا، جۇمىستاردا جانە كورسەتىلەتىن قىزمەتتەردە قازاقستاندىق قامتۋدى ارتتىرۋ جونىندەگى شارالار كوزدەلگەن.

ەكىنشى باعىت بويىنشا، قولما- قول اقشاسىز تولەمدەردى دامىتۋ جونىندەگى شارالار كوزدەلگەن.

ءۇشىنشى باعىت بويىنشا، حالىقتىڭ ۇلتتىق ۆاليۋتاداعى دەپوزيتتەرى بويىنشا كەپىلدىك بەرۋ مولشەرىن 5 ميلليون تەڭگەدەن 10 ميلليون تەڭگەگە دەيىن ۇلعايتۋ، حالىقتىڭ شەتەل ۆاليۋتاسىنداعى دەپوزيتتەرى بويىنشا سىياقى مولشەرلەمەسىن جىلدىق 3 پايىزعا دەيىن تومەندەتۋ، بانكتەرگە وتىمدىلىك بەرۋ جانە بانك سەكتورىن ساۋىقتىرۋ، باعانى شەتەل ۆاليۋتاسىندا (ونىڭ ىشىندە شارتتى بىرلىكتەرمەن) كورسەتۋگە تىيىم سالۋدى بەلگىلەۋ كوزدەلگەن» ، دەلىنگەن حابارلامادا.

مامانداردىڭ ايتۋىنشا، ەكونوميكانى دوللارلاندىرۋ دەڭگەيىن تومەندەتۋ - ۇزاق ۇدەرىس. ونى ۇكىمەت پەن ۇلتتىق بانكتىڭ عانا ەمەس، ەكونوميكانىڭ بارلىق سۋبەكتىلەرىنىڭ تۇراقتى ءارى جوسپارلى جۇمىسىنىڭ ناتيجەسىندە عانا تابىستى ىسكە اسىرۋ مۇمكىن.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى