بۇگىن استانادا «تىراۋلاپ ۇشقان تىرنالار» دراماسىنىڭ تۇساۋى كەسىلەدى

اتالمىش تۋىندى ورىس دراماتۋرگى ۆالەنتين ەجوۆتىڭ «بۇلبۇلدار ءتۇنى» شىعارماسىنىڭ جەلىسى بويىنشا ساحانالانباق.

قازاق تىلىنە اۋدارعان - بەلگىلى تەاتر سىنشىسى، مەملەكەتتىك سىيلىقتىڭ يەگەرى، پروفەسسور اشىربەك سىعاي. رەجيسسەرلىك نۇسقاسىن قازاقستاننىڭ حالىق ءارتىسى، تەاتر جانە كينو رەجيسسەرى تالعات تەمەنوۆ جاسادى.

اتالمىش قويىلىم باس كەيىپكەر پەرنەبەك بورانبايەۆ پەن نەمىس قىزى ينگانىڭ اراسىندا تۋىنداعان ماحاببات تاقىرىبىن كوتەرەدى. وندا ادامزاتقا ورتاق قاسيەت - ماحاببات پەن جاۋىزدىق، ادامگەرشىلىك پەن سىيلاستىق، وشپەندىلىك پەن سۇيىسپەنشىلىك، ساعىنىش پەن مەيىرىمدىلىكتىڭ ۇشقىنى ۇشتاسقان.

شىعارمانىڭ باستى كەيىپكەرى پەرنەبەك بورانبايەۆتى وتاندىق كينو ونەرىندە بىرنەشە باستى رولدەردى سومداپ جۇرگەن جاس اكتەر ءابىلمانسۇر سەرىكوۆ ساحنالاسا، نەمىس قىزى ينگانىڭ رولىندە - تەاتردىڭ جاس اكتريساسى اقمارال تانابايەۆا.

سونداي-اق مۇندا بۇگىندە كورەرمەننىڭ ىستىق ىقىلاسىنا بولەنىپ جۇرگەن تەاتر ارتىستەرى، قازاقستاننىڭ حالىق ءارتىسى ت. مەيراموۆ، قازاقستاننىڭ ەڭبەك سىڭىرگەن قايراتكەرلەرى ا. وماروۆ، ن. وتەۋىلوۆ، ق ر «دارىن» جاستار سىيلىعىنىڭ يەگەرى س. قاشقابايەۆ پەن ق. قىستىقبايەۆ ونەر كورسەتەدى.

سپەكتاكلدىڭ تۇساۋى بۇگىن ساعات 18.30-دا ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا كەسىلەدى. ونى كورەرمەندەر ناۋرىز ايىنىڭ 29 - جۇلدىزىندا دا تاماشالاي الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى