يزرايل پرەمەر-ءمينيسترى يران ا ق ش- قا قاشان دا جاۋ بولاتىنىن ايتتى

ناۋرىزدىڭ 3-ىندە ا ق ش كونگرەسىندە سويلەگەن نەتانياحۋ يراننىڭ «يسلام ەكسترەميزمىمەن تىعىز بايلانىسى بارىن» جانە «يزرايل مەملەكەتىنە قاۋىپ توندىرەتىنىن، ا ق ش- قا قاشان دا جاۋ بولاتىنىن» ايتتى.

«ەگەر قازىر تەگەران ەكونوميكالىق سانكسيالاردىڭ جەڭىلدەۋى ءۇشىن يادرولىق باعدارلاماسىن توقتاتا تۇرۋعا كەلىسسە، وندا ول يران يادرولىق قارۋعا يە بولۋ ارەكەتىنەن باس تارتادى دەگەندى بىلدىرمەيدى» دەدى نەتانياحۋ.

كەشە نەتانياحۋدان ءسال ەرتەرەك تەگەران ا ق ش پرەزيدەنتى باراك وبامانىڭ يادرولىق باعدارلامادان كەمىندە ون جىلعا باس تارتىپ، ەسەسىنە حالىقارالىق سانكسيالاردى جەڭىلدەتۋ تۋرالى ۇسىنىسىن قابىلداماي قويعان.

ا ق ش، ۇلى بريتانيا، قىتاي، فرانسيا، گەرمانيا جانە رەسەي يراندى قۇپيا تۇردە يادرولىق قارۋ جاسايدى دەپ قاۋىپتەنىپ، يادرولىق باعدارلاماسىنان باس تارتقىزۋعا كوندىرە الماي كەلەدى. يران يادرولىق قارۋ جاساۋ نيەتى بارىن جوققا شىعارادى.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى