قاراعاندى وبلىسىندا «سىرتتاي بالاباقشا» جوباسىن ىسكە قوسۋ جوسپارلانۋدا
«بالاپان» باعدارلاماسىن جۇزەگە اسىرۋ كەزىندە وبلىستا 3 پەن 6 جاس ارالىعىنداعى بالالاردى مەكتەپكە دەيىنگى بىلىممەن قامتۋ 11,6 پايىزعا ۇلعايدى. مەكتەپكە دەيىنگى مەكەمەلەر جەلىسى 389 دان 509 بىرلىككە دەيىن ءوستى.
197 بالاباقشا مەن 312 شاعىن ورتالىقتار جۇمىس جاسايدى، ولاردا بارلىعى 52,4 مىڭ بالا تاربيەلەنۋدە. 2014 -جىلدىڭ سوڭىنا دەيىن 1 جاستان 6 جاسقا دەيىنگى بالالاردى مەكتەپكە دەيىنگى تاربيەمەن جانە وقىتۋمەن قامتۋ 87 پايىز بولدى، 3 پەن 6 جاسقا دەيىنگىلەردى قامتۋ - 98 پايىزدى قۇرادى»، دەپ باياندادى قاراعاندى وبلىسى ءبىلىم باسقارماسى باسشىسىنىڭ مىندەتىن اتقارۋشى باقتىگۇل ادەكەنوۆا.
دەگەنمەن قازىرگى كەزدە 28,5 مىڭ بالا مەكتەپكە دەيىنگى مەكەمەلەر كەزەگىندە تۇرعانى اتالىپ ءوتتى.
ورىن جەتكىلىكسىزدىگى پروبلەمالارىن شەشۋ جۇمىس جاساپ تۇرعان ءبىلىم ۇيىمدارىنداعى بوس الاڭداردى ءتيىمدى پايدالانۋ، جەكە بالاباقشا جەلىسىن كەڭەيتۋ، جانە جاڭا بالاباقشالار سالۋ جولىمەن شەشىلەتىن بولادى.
«الاڭداردى ۇتىمدى پايدالانۋ ەسەبىنەن قاراعاندىنىڭ مەملەكەتتىك سەكتورىندا 500 گە تارتا قوسىمشا ورىندار اشۋعا ناقتى مۇمكىندىك بار، وسىنداي 60 ورىندى - شاحتينسكىدە، 175 ىن - جەزقازعاندا، 300 ورىندى - ساتبايەۆتا جانە 270 ورىندى بالقاش قالاسىندا تابۋعا بولادى»، - دەپ ناقتىلادى ب. ادەكەنوۆا.
2015 - جىلدىڭ سوڭىنا ءديىن جەزقازعاندا جانە بالقاشتا جاڭا بالاباقشالاردى ىسكە جوسۋ جوسپارلانۋدا. قاراعاندىدا «نۇرلى جول» باعدارلاماسى بويىنشا بالاباقشا قۇرىلىسى باستالادى.
«ءسويتىپ، 2015 -جىلى وبلىستا 2 مىڭعا جۋىق ورىن اشىلادى، بۇل وتكەن جىلعىدان ەداۋىر كوپ. سونىمەن بىرگە شاعىن ورتالىقتاردى تولىق جۇمىس كۇنىنە كوشىرۋ جۇمىستارى جۇرگىزىلەدى»، - دەدى بايانداماشى.
وڭىردە «سىرتتاي بالاباقشا» جوباسىن ەنگىزۋ جوسپارلانۋدا. ول بالالارى ءالى مەكتەپكە دەيىنگى مەكەمەلەرگە بارمايتىن اتا- انالارمەن جۇمىسقا باعىتتالعان. ولارعا بالالاردى ەرتە باستان دامىتۋعا كومەك كورسەتىلەدى.
كەڭەس قورىتىندىسىمەن وبلىس اكىمى مەكتەپكە دەيىنگى بالالار مەكەمەلەرى جەلىسىن دامىتۋعا قاتىستى ءبىرقاتار تاپسىرمالار بەردى. ول بالالاردى مەكتەپكە دەيىنگى تاربيەمەن قامتۋ ماسەلەسى تۇراقتى باقىلاۋدا تۇرعانىن ەسكە سالىپ ءوتتى.
«سوندىقتان دا بۇل باعىتتا بەلسەندىرەك قيمىلداپ، بالالاردى بالاباقشالارداعى ورىندارمەن قامتاماسىز ەتۋدىڭ بارلىق ىقتيمال نۇسقالارىن تابۋ قاجەت»، - دەپ اتاپ كورسەتتى ن. ابدىبەكوۆ.
