قارۋلانعان توپ التىن تولى كولىكتى توناپ كەتتى

وقيعا سولتۇستىك كارولينانىڭ اۆتوماگيسترالىندە ورىن الدى. التىن مەن كۇمىس تولى جۇك كولىگى ماياميدەن ماسساچۋسەتستكە قاراي بەت العان. كەنەتتەن اۆتوكولىك جۇرگىزۋشىسى تەحنيكالىق اقاۋعا بايلانىستى رولي قالاسىنان شىعىسقا قاراي 50 شاقىرىم قاشىقتىقتا جولدىڭ جيەگىنە توقتاۋعا ءماجبۇر بولادى.

وسى ۋاقىتتا جۇك كولىگىنىڭ ارتىنا اق فۋرگون توقتاپ، ىشىنەن قارۋ اسىنعان ءۇش ادام شىققان. قاراقشىلار التىن تاسىمالداۋشىلاردى كۇشتەپ جەرگە جاتقىزىپ، اياق-قولدارىن مىقتاپ بايلاپ-ماتاپ تاستايدى. كەيىن قارۋمەن قورقىتىپ ەكى كۇزەتشىنى ورمانعا اپارىپ تاستايدى دا، التىن قۇيمانىڭ بىرنەشەۋىن الىپ، ىزدەرىن جاسىرعان.

«جۇك كولىگىنىڭ يەسى، TransValue كولىك كومپانياسىنىڭ اتقارۋشى ديرەكتورى دجەي رودريگەز قىلمىسكەرلەردى قۇرىقتاۋعا كومەك كورسەتكەنى ءۇشىن 50 مىڭ دوللار بەرۋگە ۋادە ەتتى»، - دەپ جازادى Lenta.ru.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى