كوتتو گولوۆكينمەن كەزدەسە مە، بەلبەۋدەن باس تارتا ما؟
«كانەلو (ساۋل الۆارەس) مەن فلويد مەيۆەزەر قازىر بوس ەمەس. سوندىقتان كوتتوعا گولوۆكينمەن كەزدەسۋ وتكىزىپ، WBC چەمپيونى بەلبەۋىنە شىندىعىندا كىمنىڭ لايىق ەكەنىن انىقتاۋعا ۇلكەن مۇمكىندىك تۋىپ تۇر»، - دەپ جازادى توم لەففلەر erTwitt- دەگى جەكە پاراقشاسىندا.
مۇنىڭ الدىندا حابارلاعانىمىزداي، كوتتو شارشى الاڭعا مامىر-ماۋسىم ايلارىندا ورالۋدى جوسپارلاپ وتىرعان. سوڭعى جەكپە-جەگىن وتكەن جىلدىڭ جازىندا سەرحيو مارتينەسكە قارسى وتكىزىپ، مەرزىمىنەن بۇرىن جەڭىسكە جەتتى. گولوۆكيننىڭ باپكەرى ابەل سانچەس پۋەرتوريكولىق بوكسشى قازاقستاندىقپەن مامىر-ماۋسىم ايلارىنىڭ بىرىندە شىعاتىن بولسا، كەز كەلگەن تالابىنا ءازىر ەكەنىن جەتكىزگەن ەدى.
دۇنيە جۇزىلىك بوكس قاۋىمداستىعىنىڭ پرەزيدەنتى (WBC) ماۋريسيو سۋلەيمان بۇعان دەيىن ميگەل كوتتو ءوزى قالاعان ۋاقىتتا چەمپيوندىق اتاعىن قورعاعان سوڭ گولوۆكينمەن كەزدەسۋگە مىندەتتى دەگەن تالاپ قويعان بولاتىن. الايدا، ا ق ش باسىلىمدارى كوتتو گولوۆكينگە قارسى شىقپايدى، بەلبەۋدەن ەرىكتى تۇردە باس تارتادى دەپ جازىپ ءجۇر.
ەستەرىڭىزگە سالامىز، وتانداسىمىز سوڭعى جەكپە-جەگىن بريتانيالىق مارتين ميۋررەيگە قارسى وتكىزىپ، 11-راۋندتا تەحنيكالىق نوكاۋتپەن جەڭگەن بولاتىن.
