ق ر پرەزيدەنتى ءىس باسقارماسى وتاندىق اۆتوكولىكتەردى ءۇش ەسە ءجيى ساتىپ الادى
بۇل تۋرالى وتكەن جىلعى جۇمىستاردىڭ قورىتىندىسى تالقىلانعان وتىرىستا قازاقستان رەسپۋبليكاسى پرەزيدەنتىنىڭ ءىس باسقارۋشىسى اباي بيسەمبايەۆ حابارلادى.
ونىڭ ايتۋىنشا، سوڭعى ەكى جىلدا ۇيىم اۆتوپاركىنىڭ شىعىندارى ۇنەمدەلدى. اسىرەسە، GPS- مونيتورينگ جۇيەسىنىڭ ارقاسىندا اۆتوكولىكتەردىڭ جالپى ءجۇرىسى 26 پايىزعا قىسقاردى. سونىمەن قاتار، قىزمەتكەرلەرگە كەتەتىن شىعىن دا ازايدى. ۆەدومستۆولىق باعىنىستاعى ۇيىمداردىڭ شتاتتىق سانى سوڭعى ەكى جىلدا 1401 گە دەيىن وڭتايلاندىرىلدى.
بۇدان بولەك، سوڭعى ءتورت جىلدا ەلەكتردى 22 پايىزعا ۇنەمدەپ، سۋدىڭ شىعىنىن ۇشتەن ءبىر بولىككە ازايتۋعا قول جەتكىزىلدى. «پرەزيدەنت ءىس باسقارماسى اۋرۋحانالارىنىڭ مەديتسينالىق ورتالىقتارىنا 154 مەديتسينالىق يننوۆاتسيالىق تەحنولوگيا ورناتىلدى، ولاردىڭ ىشىندە حيرۋرگيالىق (38,4 پايىز)، دياگنوستيكالىق (40,6 پايىز) جانە تەراپيەۆتىك (21 پايىز) قۇرىلعىلار بار. ق ر دەنساۋلىق ساقتاۋ مينيسترلىگىنەن مەملەكەتتىك تاپسىرىس الۋعا ايرىقشا قۇقىق بەرەتىن مەديتسينالىق قىزمەت ساپاسىن اككرەديتتەۋ ۇلتتىق سەرتيفيكاتى الىندى. كارديولوگيا، گاستروەنتەرولوگيا جانە تراۆماتولوگيا سالالارى بويىنشا يننوۆاتسيالىق پاتەنتكە يە بولعان بەس بىرەگەي تەحنولوگيا ەنگىزىلدى»، - دەپ حابارلادى باسپا ءسوز قىزمەتىندەگىلەر.
ايتا كەتەيىك، سوڭعى كەزدەرى رەسپۋبليكا بويىنشا قازاقستاندىق اۆتوكولىكتەرگە سۇرانىس ەداۋىر ازايدى. بۇل قازاقستاندىقتار ءۇشىن رەسەيلىك اۆتوكولىك ونەركاسىبىن تارتىمدى ەتكەن رۋبلدىڭ قۇنسىزدانۋىمەن بايلانىستى. جەرگىلىكتى اۆتوديلەرلەر كولىكتەرىن وزدەرىنە شىعىن كەلتىرىپ ساتۋعا تۋرا كەلىپ جاتقانىن ايتىپ شاعىمدانعان بولاتىن.
جالپى قازاقستاندىق اۆتوكولىكتەر سۇرانىسى 62,21 پايىزعا تومەندەدى. ونىڭ ۇستىنە ىشكى نارىقتا قازاقستاندىق اۆتوكولىكتەردىڭ ساۋداسى 12,04 پايىزعا ازايدى. ۇلتتىق وندىرۋشىلەردىڭ ساۋداسى 25,1 ميلليون دوللار بولدى، بۇل كورسەتكىش - 2014-جىلعا قاراعاندا، 55,96 پايىزعا تومەن.
