سولتۇستىك كورەيا جاپون تەڭىزىنە باعىتتاپ ەكى بالليستيكالىق زىمىران ۇشىردى
500 شاقىرىمدى باعىندىراتىن زىمىراندار سولتۇستىك كورەيانىڭ باتىسىندا ورنالاسقان نامپو قالاسى ماڭىنان اۋەگە كوتەرىلگەن.
وڭتۇستىك كورەيا قورعانىس مينيسترلىگىنىڭ شتاب باسشىسى بۇل ارەكەتتى «ارانداتۋ قادامى» دەپ ايىپتادى. بايقاۋشىلاردىڭ اقپاراتىنا سايكەس، پحەنياننىڭ بۇل قادامعا بارۋى تەگىن ەمەس. دۇيسەنبى كۇنى وڭتۇستىك كورەيا مەن ا ق ش اسكەري جاتتىعۋلار وتكىزدى.
سولتۇستىك كورەيا اقپارات كوزدەرىنىڭ حابارلاۋىنشا، دايىندىققا ۇلى بريتانيا، فرانسيا، اۆستراليا جانە كانادانىڭ قارۋلى كۇشتەرى قاتىسقان. ايماقتا جاعداي ۋشىعىپ تۇر. «ەگەر جاتتىعۋ جيىندارى بارىسىندا ءبىزدىڭ ايماققا ءتىپتى، ءبىر وق كەلىپ قۇلايتىن بولسا، ءبىز مىندەتتى تۇردە جاۋاپ بەرەمىز»، - دەدى سولتۇستىك كورەيانىڭ قورعانىس مينيسترلىگى.
«استانا» ارناسى
