قازاقستان پرەزيدەنتىنىڭ كىتابى العاش رەت لاتىش تىلىندە جارىق كوردى

بۇل ەلباسىنىڭ لاتىش تىلىندە باسىلىپ شىققان العاشقى ەڭبەگى، دەپ حابارلايدى ق ر سىرتقى ىستەر مينيسترلىگىنىڭ باسپا ءسوز قىزمەتى.

قازاقستان پرەزيدەنتىنىڭ كىتابى ۇستىمىزدەگى جىلدىڭ 27 - اقپانى مەن 1 - ناۋرىزىندا بالتىق ەلدەرىندەگى ەڭ ۇلكەن «كيپسالا» كورمە ورتالىعىندا وتكىزىلگەن «كىتاپ-2015» اتتى كىتاپتار مەن باسىلىمدار حالىقارالىق كورمەسىنىڭ اشىلۋ سالتاناتىندا تانىستىرىلدى.

تانىمال لاتىش ساياساتكەرلەرى: جۋرناليستەر وداعىنىڭ پرەزيدەنتى يۋريس پايدەرس، تەلە جانە راديو تاراتۋ قاۋىمداستىعىنىڭ باسشىسى گۋنتا ليداكا اتالمىش شىعارمادا قازىرگى كەزەڭدە ادامزاتتى تولعاندىراتىن اۋقىمدى ماسەلەلەر كوتەرىلگەندىگىن اتاپ ءوتتى.

G- GLOBAL قازاقستاندىق باستاماسى بۇل بۇكىل الەمنىڭ عالىمدارى، دارىندى جاستاردى، مەديا وكىلدەرى، قوعامدىق جانە بيزنەس قۇرىلىمداردى تارتۋ ارقىلى الەمدىك قارجى جانە ەكونوميكالىق داعدارىستان شىعۋدىڭ ءتيىمدى جولدارىن ىزدەۋ بولىپ تابىلادى.

ساراپشىلاردىڭ ايتۋىنشا، كىتاپ 2013 - جىلى جازىلسا دا، اۆتور بۇگىنگى كۇنگى عالامدىق وقيعالار مەن ەكونوميكا جانە حالىقارالىق ساياساتتاعى ايتۋلى وزگەرىستەردى بولجاي بىلگەن. جان-جاقتى تالداۋ، ىشكى، سونداي-اق عالامدىق ۇدەرىستەردى تەرەڭ ءتۇسىنۋى ارقاسىندا كىتاپتى ساياساتكەرلەر مەن ساراپشىلار ورتاسىندا عانا ەمەس، سونىمەن قاتار، قالىڭ وقىرمانداردىڭ اراسىندا دا تانىمال ەتەدى.

كىتاپتا كوتەرىلگەن ماسەلەلەر بۇگىنگى كۇنى دە اسا وزەكتى بولىپ وتىر، وعان قوسا، اتالمىش ەڭبەكتىڭ قازىرگى تاڭدا ومىرلىك ءمان- ماڭىزى زور. بۇل قازاقستاندىق كوشباسشى ساياساتىنىڭ كورەگەندىلىگىن دالەلدەي تۇسەدى.

لاتۆيانىڭ ەۋرووداق كەڭەسىندەگى ءتوراعالىعى جىلى وتكەن كىتاپتىڭ تۇساۋكەسەرى ەكى مەملەكەت ۇشىندە اسا ماڭىزدى وقيعاعا اينالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى