يران اسكەري تەڭىز كۇشتەرىنىڭ باس قولباسشىسى قازاقستانعا كەلدى
بۇگىن يراندىق دەلەگاتسيا ق ر قورعانىس مينيسترلىگىنىڭ وكىلدەرىمەن جانە ق ر ءا ك اسكەري تەڭىز كۇشتەرىنىڭ باسشىلىعىمەن كەزدەستى.
ق ر ءا ك ءا ت ك باس قولباسشىسى كونتر- ادميرال جانداربەك جانۇزاقوۆ بۇگىنگى ساپار قازاقستان مەن يران اسكەري تەڭىز كۇشتەرى اراسىنداعى ىنتىماقتاستىقتى نىعايتۋداعى تاعى ءبىر قادام ەكەنىن اتاپ ءوتتى.
يران ستراتەگيالىق اسكەري تەڭىز كۇشتەرىنىڭ باس قولباسشىسى كونتر- ادميرال حابيبوللا ساياري ءوز كەزەگىندە ىستىق ىقىلاستى قابىلداۋعا العىسىن ءبىلدىرىپ: «ءبىزدىڭ ەلدەر ءوز ايماعىنداعى بەدەلدى ءارى مىقتى مەملەكەتتەر. قازاقستان مەن يران كاسپي تەڭىزى بويىنشا كورشى بولىپ تابىلادى. سوندىقتان ىنتىماقتاستىعىمىزدىڭ ماڭىزى زور. ايماقتاعى قاۋىپسىزدىكتى قامتۋدان باسقا، تەڭىز ىسىندەگى وزگە سالالاردا دا، ماسەلەن ءبىلىم بەرۋ مەن ستۋدەنت الماسۋ، اسكەري تەحنيكانى شىعارۋ جانە جوندەۋ، بىرلەسىپ تاجىريبەلەر وتكىزۋ جانە ت. ب سالالاردا ىنتىماقتاستىق ورناتۋعا نيەتتىمىز»، - دەپ اتاپ ءوتتى.
ساپار 6 - ناۋرىزعا دەيىن جالعاسادى. وسى ۋاقىت ارالىعىندا دەلەگاتسيا «قازاقستان ينجينيرينگ» اكسيونەرلىك قوعامىندا بولىپ، ق ر تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىنىڭ تىڭداۋشىلارى الدىندا ءدارىس وقىماق.
بۇدان كەيىن يراندىق دەلەگاتسيا اقتاۋ قالاسىنداعى 29011 ءا/ب بولىپ، وندا ق ر اسكەري- تەڭىز كۇشتەرىنىڭ زىمىراندىق- ارتيللەريالىق كەمەسىن كورەدى، سونداي-اق 25744 ءا/ب وقۋ- جاتتىعۋ ورتالىعىن ارالايدى.
اتاپ ءوتۋ كەرەك، 2013 -جىلعى 28-31 - قازان ارالىعىندا ق ر ق ك ءا ت ك باس قولباسشىسى كونتر- ادميرال جانداربەك جانۇزاقوۆ يران يسلام رەسپۋبليكاسىنا ساپارمەن بارىپ، حومەيني اتىنداعى اسكەري- تەڭىز ۋنيۆەرسيتەتىندە جانە بەندەر- ابباس پورتىندا بولعان.
