قىزىلوردادا بانك قويماسىن توناعان كاسسيرگە قاتىستى قىلمىستىق ءىس سوتقا جەتپەي، مەدياتسيا تارتىبىمەن قىسقارتىلدى
«قازاقستان حالىق بانكى» ا ق- نىڭ فيليالىندا باقىلاۋشى كاسسير قىزمەتىن اتقارىپ ءجۇرىپ، ءوزىنىڭ قىزمەت بابىن پايدالانىپ، وزىنە سەنىپ تاپسىرىلعان بانك قويماسىندا ساقتاۋدا تۇرعان 705725 تەڭگە اقشانى يەلەنگەن سوتتالۋشىعا قاتىستى قىلمىستىق ءىس قارالدى.
ول قاراجاتتى جەكە باس پايداسىنا جاراتىپ، ىسىراپ ەتكەن»، دەپ حابارلايدى ارال اۋداندىق سوتىنىڭ باسپا ءسوز قىزمەتىنەن.
سوتتالۋشى سوت تالقىلاۋىندا ءوزىنىڭ كىناسىن مويىندادى جانە جاساعان ارەكەتىنە وكىنەتىنىن ءبىلدىردى. ول جابىرلەنۋشىمەن مەدياتسيا تارتىبىمەن تاتۋلاسۋىنا جانە كەلتىرىلگەن ماتەريالدىق شىعىندى تولىق قالپىنا كەلتىرۋىنە بايلانىستى قىلمىستىق ءىستى قىسقارتۋدى سۇرادى. جابىرلەنۋشى وكىلى دە ءوزارا مەدياتسيا تارتىبىمەن تاتۋلاسقاندارىن جانە سول سەبەپتى باسقا قويار تالاپ- تىلەگىنىڭ جوق ەكەنىن كورسەتىپ، سوتتالۋشىعا قاتىستى قىلمىستىق ءىستى قىسقارتۋدى سۇرادى.
سوت وسى قىلمىستىق ءىستى جانە ءىس بويىنشا بارلىق ءمان-جايلاردى ەسكەرىپ، سوتتالۋشىنى قىلمىستىق جاۋاپتىلىقتان بوساتىپ، قىلمىستىق ءىستى قىسقارتۋ جونىندە قاۋلى قابىلدادى.
اۆتور: ەلۋباي اۋەزوۆ
