ءۇندىنىڭ «كەلىن» تەلەحيكاياسىنىڭ اكتەرى قازاقستاندا قالعىسى كەلەتىنىن ايتتى
«كەلىن» سەريالى ءۇندىستاندا دا كەڭىنەن تانىمالدىققا يە بولعان تۋىندىلاردىڭ ءبىرى بولىپ وتىر. ال بۇل سەريالدىڭ رەيتينگى وتە جوعارى بولعاندىقتان، ونىڭ اياقتالۋىن كۇتۋدىڭ قاجەتى قانشا؟»، - دەپ ازىلمەن جاۋاپ بەردى ول ب ا ق وكىلدەرىنىڭ «كەلىن» تەلەحيكاياسىن قاشان اياقتالادى، دەگەن ساۋالىنا وراي.
سونىمەن قاتار ول قازاقستاننىڭ كينويندۋسترياسى جايلى اقپاراتى از ەكەندىگىن ايتىپ، ەلىمىزدە قوناقتا بولعان كۇندەر ىشىندە قازاق اكتەرلەرىمەن جاقىن تانىسىپ، ءبىراز ماعلۇمات جيناعانىن اتاپ ءوتتى.
«قازاقستانعا كەلەتىن كەزىمدە نە كۇتەرىمدى بىلمەدىم. دەگەنمەن، ۇشاقتان تۇسكەننەن باستاپ قازاقستاننىڭ عاجاپ مەملەكەت ەكەنىن، ادامدارىنىڭ قوناقجاي ەكەندىگىن بايقادىم. قازاق حالقى شىن جۇرەكتەن ريزاشىلىقپەن، قوناقجايلىقپەن قارسى الدى. سىزدەر دە بىزدەر سياقتى وتباسىنا ۇلكەن ءمان بەرەدى ەكەنسىزدەر»، - دەدى ول.
سونىمەن قاتار ول كەلگەن ساتتەن باستاپ بىرنەشە فوتوسەسسياعا قاتىسىپ، ءتىپتى، كەيبىر ادامداردىڭ سۋرەتكە تۇسۋدەن شارشاعان جوقسىڭ با، دەپ سۇراعانىن ايتا كەلە: «سول ساتتەردە اينالامداعى ادامدار، اسىرەسە، قىزدار سۇلۋلىقتارىمەن ءتانتى ەتتى. ءتىپتى، قازاقستاننان كەتكىم دە كەلمەي قالدى. وكىنىشكە وراي، بۇگىن ەلىمە ورالامىن. سىزدەردىڭ قوناقجايلىلىقتارىڭىزدى ساعىناتىن بولامىن»، - دەدى س. شۋكحلا.
اۆتور: مارلان جيەمباي
