شوۋ-بيزنەس جۇلدىزدارى نەدەن قورقادى - كەسكىن
ءوزىمىز كۇندە ساحنادان، تەلەديداردان كورىپ جۇرگەن ونەر ادامدارى نەدەن قورقادى؟ «جۇلدىزداردىڭ» فوبياسى تۋرالى بىلە ءجۇرىڭىز...
بەلگىلى ءانشى جۇبانىش جەكسەن ۇلى ءوزى بىلمەيتىن، وزىنە تانىس ەمەس قۇبىلىستاردان قورقادى ەكەن. ول ەلەكتر جۇيەسىنەن ەرەكشە قورقادى. ءانشى توق سوعۋدان قورقاتىن بولۋ كەرەك.
مايرا ءىلياسوۆا حالىقتىڭ ءوزىن تىڭداماي قويۋىنان، كونسەرتتەرگە شاقىرىلماي قالۋدان قورقادى. مايرا اپاي ءۇشىن فوبيانىڭ ۇلكەنى وسى.
ال اكتريسا، ءانشى ايگۇل يمانبايەۆا يتتەن قورقادى ەكەن. بالا كەزىندە ءۇيدىڭ اۋلاسىندا ويناپ جۇرگەن 3 جاسار ايگۇلدى تاماعىنان قىزعانعان ءيت بىلەگىنەن قاۋىپ الىپتى. قولىنا كۇردەلى وتا جاساتىپ، ۇزاق ۋاقىت ەم العان ايگۇل مۇنداي قورقىنىشتى وقيعانى قالاي ۇمىتسىن. بالا كۇنىندە يتتەن ابدەن قورقىپ قالعان ءانشى قازىر دە ءيت كورسە «توبە شاشى تىك تۇراتىنىن» ايتادى.
ەرالحان ابىشيەۆ سىندى ءانشى حالىقتىڭ كوڭىلىنەن شىقپاي قالۋدان قورقادى. الەمدە بولاتىن توسىن جاعدايلاردىڭ بارىنەن قورقامىن دەيدى ءانشى.
«الاش ۇلى» توبىنىڭ مۇشەسى ءانشى ماقسات راحمەت ساحنانىڭ كيەسىنەن قورقاتىنىن ايتادى. دايىندىقسىز، حالىققا دەگەن قۇرمەتسىز ساحناعا شىققان ونەر يەسىن ساحنانىڭ كەپيەتى اتادى دەگەنگە سەنەدى ءانشى.
ءومىرقۇل اينيازوۆ پەن ءجاميلا سەركەبايەۆا سەكىلدى ونەر يەلەرى قاراڭعىدان ەرەكشە قورقادى ەكەن.
التىناي جورابايەۆا قۇرت-قۇمىرسقا، باقا-شاياننان قورقادى. ءالى كۇنگە ءانشى ءوزىنىڭ بالا كۇنىنەن بەرى قورقاتىن وسى جاندىكتەرگە دەگەن قورقىنىشىنان ارىلا الماي كەلەدى.
ءداستۇرلى ءانشى ايگۇل قوسانوۆانىڭ وسال تۇسى - تەڭىز سۋى. بىردە سۋعا اعىپ كەتە جازداعان ءانشى ءالى كۇنگە سۋعا تۇسۋدەن قورقادى ەكەن.
«31- ارنا»
