قازاقستان اعىلشىن ءتىلىن ناشار مەڭگەرگەن ەلدەردىڭ قاتارىنا ەندى
«قازاقستان 63 ەل تىزىمىندە 54-ورىندا تۇر، جانە، وسىلايشا، اعىلشىن ءتىلىن مەڭگەرۋدىڭ وتە تومەن دەڭگەيىندە قالىپ وتىر. وسىعان قاراماستان، قازاقستاندا بارلىق توپتاعى جاس اراسىندا اعىلشىن ءتىلىن ورتاشا ءبىلۋ دەڭگەيى بارلىق جاستار توبىنا ارنالعان ورتاشا وڭىرلىك كورسەتكىشتەردەن تومەندەۋ بولىپ قالۋدا جانە اعىلشىن ءتىلىن ءالسىز مەڭگەرگەن ەلدەر سەگمەنتىندە تۇر»، - دەدى ۋولتون جۇما كۇنگى باسپا ءسوز ءماسليحاتىندا.
وسى رەتتە ول سوڭعى 7 جىلدا قازاقستانداعى اعىلشىن ءتىلىن ءبىلۋ دەڭگەيىنىڭ ايتارلىقتاي جاقسارعانىن اتاپ ءوتتى.
«دەگەنمەن، اعىلشىن ءتىلىن ءبىلۋ دەڭگەيى سوڭعى 7 جىلدا 11,23 بالعا ايتارلىقتاي جاقساردى، بۇل دەگەنىمىز ازيا وڭىرىندەگى باسقا ەلدەردەن كوپ. مۇنداي جاقسارۋدىڭ ۇلكەن ۇلەسى 18-34 جاس توبىنا كەلەدى. قازاقستاندا ايەل ادامدار ەرلەرگە قاراعاندا اعىلشىنشا جاقسى سويلەسەدى، جانە دە جىنىستىق تەڭسىزدىك ازيانىڭ باسقا بولىكتەرىنە قاراعاندا كوبىرەك كورىنەدى»، - دەپ اتاپ ءوتتى ول.
ۋولتوننىڭ ايتۋىنشا، زەرتتەۋگە 750 مىڭ ادام قاتىسقا EF Education First اقپارى بويىنشا، حالىقتىڭ ۇلكەن جاستىلارىنىڭ اراسىندا اعىلشىن ءتىلىن شەتەل ءتىلى رەتىندە مەڭگەرۋدىڭ ەڭ جوعارى دەڭگەيى - دانيادا، سوسىن نيدەرلاندى مەن شۆەتسيا تۇر، سولتۇستىك افريكا مەن تاياۋ شىعىس حالقى ەڭ ناشار ناتيجە كورسەتكەن. ءوز كەزەگىندە الماتى جەكە ءبىلىم بەرۋ ۇيىمدار قاۋىمداستىعىنىڭ پرەزيدەنتى ءشامشيا قانايەۆا اعىلشىن ءتىلىن ءالسىز مەڭگەرۋ پروبلەماسى مۇعالىمدەردى دايارلاۋدا ەكەنىن اتاپ كورسەتتى.
«كادر بارلىعىن ايقىندايدى. بۇگىندە ءبىزدىڭ جۇمىس جاساۋعا ءتيىس نارسەمىز ول - مۇعالىمدەردىڭ اعىلشىن ءتىلىن يگەرۋ دەڭگەيىن كوتەرۋ. ول ءۇشىن ارنايى باعدارلاما بولۋى ءتيىس، بۇل شەتەل تىلدەر فاكۋلتەتىندە دايىنداپ، كەيىن ۇمىتىپ كەتەتىن وقىتۋشىلار ەمەس. ءتىل ول - قۇرال، ەگەر ونىمەن سويلەسپەسەڭ، ول ءوز قاسيەت- قابىلەتتەرىن جوعالتادى»، - دەيدى قانايەۆا.
بۇدان بولەك، قانايەۆا اعىلشىن ءتىلىن ۇيرەنۋ بويىنشا سىنىپتان تىس كلۋبتار مەن عالامتوردان تەلەساباقتار ۇيىمداستىرۋدى ۇسىندى. سونداي- اق، ونىڭ ايتۋىنشا، وقۋشىلاردى اعىلشىن ءتىلىن ۇيرەنۋ ءۇشىن مەملەكەت پەن جەكە كومپانيالار ەسەبىنەن شەتەلگە جىبەرگەن ءجون.
«ءبىزدىڭ بالالاردى ورتاشا ساناتتان باستاپ، تەك اتا- انالاردىڭ قارجىسىنا عانا ەمەس، سونىمەن بىرگە مەملەكەتتىڭ نەمەسە قانداي دا ءبىر كومپانيانىڭ قاراجاتىنا جۇيەلى تۇردە الدىڭعى 30 دىقتاعى اعىلشىن تىلدەس ەلدەرگە جىبەرىپ تۇرۋ كەرەك»، - دەپ ۇسىندى ول.
EF Education First - ءتىل ۇيرەنۋ، وقىتۋ جانە مادەني الماسىم سالاسىنداعى حالىقارالىق ءبىلىم ۇيىمى. 1965-جىلى نەگىزى قالانعان EF ميسسياسى تىلدىك، مادەني جانە گەوگرافيالىق شەكارالاردى جويۋ بولىپ تابىلادى. EF قۇرامىنا 50 دەن استام ەلدەردەگى 500 ءبىلىم ورتالىعى كىرەدى.
«كازتاگ»
