رەسەيدە ارىستان ءبىر ادامدى تالاپ ءولتىردى
بەلگورود وبلىسى ءى ءى م باس باسقارماسى ماماندارىنىڭ حابارلاۋىنشا، 1962-جىلى تۋعان جەرگىلىكتى تۇرعىن الكوگولدەن ماس كۇيدە حايۋاناتتار باعىنىڭ قورشاۋىنان اتتاپ ءوتىپ، ۇرعاشى ارىستاننىڭ تورىنا جاقىنداپ بارعان. سول كەزدە جىرتقىش تاپ بەرەدى.
«رەسەي ىشكى ىستەر مينيسترلىگىنىڭ بەلگورود قالاسى بويىنشا باسقارماسىنىڭ كەزەكشى بولىمىنە قالالىق حايۋاناتتار باعى جۇمىسشىسنان حابارلاما كەلىپ ءتۇستى. ول ارىستان تورىنىڭ جانىنان ءبىر ەر ادامنىڭ ابدەن تالانعان ءمايىتى تابىلعانىن حابارلادى»، - دەلىنگەن ىشكى ىستەر باس باسقارماسىنىڭ حابارلاماسىندا.
قازىر بۇل دەرەك بويىنشا تەكسەرۋ جۇرگىزىلىپ جاتىر. ەسكە سالايىق، بۇعان دەيىن رەسەيدىڭ ساحالين وبلىسىندا ءۇش ەر ادامدى ايۋدىڭ تالاپ ولتىرگەنى حابارلانعان ەدى. كوپىر قۇرىلىسىمەن اينالىسىپ جاتقان كومپانيانىڭ بەس قىزمەتكەرى ورماندا كەزدەسكەن قونجىقتاردى ۇيالى تەلەفونعا ءتۇسىرىپ جاتقان كەزدە ولاردىڭ ەنەسى كەزدەيسوق اتىپ شىعىپ، جۇمىسشىلارعا ۇمتىلعان. ايۋدىڭ تىرناعىنان ەكى ادام عانا امان قالدى. كىرەكەي جۇمىسشىلاردىڭ ءيتىن دە جەپ قويعان.
tengrinews.kz
