سەرىك قوناقبايەۆ: قازىرگى بىردەن-ءبىر باسىمدىق - بۇل ريوداعى وليمپيادا
اتقارۋ كوميتەتىندە ASBC جاڭا ۆيتسە-پرەزيدەنتتەرى وڭتۇستىك كورەيا ۇلتتىق جينالىسىنىڭ دەپۋتاتى چانگ يۋن سۋنگ جانە بوكستان جەتى دۇركىن الەم چەمپيونى ورزۋبەك نازاروۆ تانىستىرىلدى.
ازيا بوكس كونفەدەراتسياسى اتقارۋ كوميتەتىنىڭ جاڭا مۇشەسى بولىپ تاجىكستاننان ابدۋاحات تودجيبايەۆ سايلاندى.
سونداي-اق اتقارۋ كوميتەتى كونفەدەراتسيانىڭ بيۋجەتىن جانە 2015-جىلعى ازيالىق ايماقتاعى ويىندار كۇنتىزبەسىن قارادى.
وتىرىس بارىسىندا АІВАا ۆيتسە-پرەزيدەنتى، ازيا بوكس كونفەدەراتسياسىنىڭ پرەزيدەنتى سەرىك قوناقبايەۆ: «اعىمداعى وليمپيادا الدىنداعى جىل - ليتسەنزيالار ءۇشىن كۇرەس جىلى - بۇل سپورتتىڭ كەز كەلگەن ءتۇرى ءۇشىن ماڭىزدى. ءبىزدىڭ كونفەدەراتسيا وليمپيادالىق رينگتە قۇرلىعىمىزدىڭ وكىلدەرى كوبىرەك بولۋى ءۇشىن بارلىق كۇش- جىگەرىن جۇمساۋى ءتيىس»، - دەپ اتاپ ءوتتى.
اتقارۋ كوميتەتىنىڭ مۇشەلەرى ازيالىق بوكس كونفەدەراتسياسىنىڭ جاڭا لوگوتيپىن بەكىتتى، ول الداعى ءساۋىر ايىندا وتەتىن باس اسسامبلەيادا تانىستىرىلاتىن بولادى.
