قايرات نۇرتاس پەن جانار دۇعالوۆ ءبىر-ءبىرىن ءتۇسىندى مە - كەسكىن
قايرات نۇرتاس پەن جانار دۇعالوۆا «سەن مەنى تۇسىنبەدىڭ...» انىنە بەينەبايان ءتۇسىردى. بۇل ءان قايرات نۇرتاستىڭ رەپەرتۋارىنداعى حيتتەردىڭ ءبىرى. نازىك سەزىمگە تولى رومانتيكالىق انگە ءانشى جۇپتىڭ تۇسىرگەن بەينە بايانى دا اسەرلى ۇيلەسىم تاپقان.
قايرات پەن جانار قازىرگى قازاق ەستراداسىندا جۇلدىزى جانعان ونەر يەلەرى. بىلۋىمىزشە، قايرات نۇرتاسپەن بىرىگىپ بەينەبايان ءتۇسىرۋ جانار دۇعالوۆانىڭ پروديۋسەرى بايان ماقسات قىزىنىڭ يدەياسى ەكەن. بايان حانىم قايراتتىڭ پروديۋسەرى گۇلزيرا ايداربەكوۆاعا بىرىگىپ بەينەبايان تۇسىرۋگە ۇسىنىس جاساعان ەكەن، ول كىسى قابىل الىپتى. بەينە باياننىڭ شىعىنىن ەكى جاق تەڭدەي ءبولىپ العان كورىنەدى. ءدال قازىرگى كەزدە جانارمەن بىرگە دۋەت جازىپ، بەينە بايان تۇسىرگىسى كەلەتىن انشىلەر كوپ. سولاردىڭ ءبىرى بەلگىلى ءانشى ايقىن تولەپبەرگەن. ايقىننىڭ پروديۋسەرى ەريك تاستانبەكوۆ تە ايقىن تولەپبەرگەن مەن جانار دۇعالوۆانىڭ دۋەتىنە بەينەبايان ءتۇسىرۋدى جوسپارلاپ ءجۇر ەكەن.
ال ءبىز ازىرگە جانان دۇعالوۆا مەن قايرات نۇرتاستىڭ ەفيردەن ەندى كورسەتىلە باستاعان «سەن مەنى تۇسىنبەدىڭ...» انىنە تۇسىرىلگەن بەينە كليپتى ونەرسۇيەر قاۋىمنىڭ نازارىنا ۇسىنىپ وتىرمىز.
Alashainasy.kz
