پوروشەنكو: نەمسوۆ كرەملدىڭ ءىسىن اشكەرەلەمەك ەدى

پوروشەنكو بىرنەشە اپتا بۇرىن نەمسوۆپەن سويلەسكەنىن ايتادى. «ول رەسەي قارۋلى كۇشتەرىنىڭ ۋكرايناداعى وقيعالارعا قاتىسى بارىن بۇلتارتپايتىن دالەلدەردى حابارلاۋىم كەرەك دەگەن بولاتىن جانە بوريس ەشتەڭەدەن جاسقانبادى» دەگەن پوروشەنكونىڭ ءسوزىن كەلتىرگەن ۋنيان اگەنتتىگى. ماسكەۋ شىعىس ۋكرايناداعى سەپاراتيستەرگە كومەكتەسىپ وتىرعانى جايلى ايىپتاۋلاردى جوققا شىعارىپ كەلەدى.

پوروشەنكو نەمسوۆتى ۋكراينانىڭ ۇلكەن دوسى جانە رەسەي پاتريوتى دەپ اتاعان. «ول ءوز ەلىنىڭ ازاتتىعىن قورعاۋ ءۇشىن كۇرەستى جانە سول ءۇشىن ءبارىن بەردى. ناۋرىزدىڭ 1- كۇنى ول ۋكراينانى سۇيەتىن، ادامداردىڭ قۇقىقتارى مەن بوستاندىعىن قۇرمەتتەيتىن وزگە رەسەي بارىن كورسەتپەك بولعان ەدى» دەپ مالىمدەگەن ۋكراينا پرەزيدەنتى.

اقپاننىڭ 28- كۇنى كيەۆتىڭ تاۋەلسىزدىك الاڭىندا (مايدان) بوريس نەمسوۆتى ەسكە الۋ اكسياسى ءوتتى. شارانى بۇل جەردە ۇيىمداستىرىلۋىنىڭ سەبەبى - ۋكرايناداعى قىزعىلت-سارى ريەۆوليۋتسيا كەزىندە جانە 2013-2014-جىلدارى ۋكراينانىڭ ەۋروپا وداعىنا ينتەگراتسياسىن جاقتاۋشىلار وتكىزگەن كوپشىلىك اكسيالارعا سول كەزدەرى بوريس نەمسوۆتىڭ دا قاتىسقانىمەن بايلانىستى دەپ حابارلادى ۋنيان.

سەنبى كۇنى كيەۆ مايدانىنداعى بوريس نەمسوۆتىڭ سۋرەتتەرى قويىلعان جەرگە ۋكرايندىقتار گۇل شوقتارىن اكەلىپ، قاستاندىق قۇربانى بولعان ساياساتكەردى ەسكە الدى.

azattyq.org

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى