قازاق جاۋىنگەرى تۋرالى پوۆەست جارىق كوردى
تۋىندى اۆتورلارىنىڭ ايتۋىنشا، وقيعا جەلىسى قانشالىقتى شىتىرمان بولىپ كورىنگەنىمەن، كىتاپ ءۇش جىل بويى جينالعان ناقتى دەرەكتەردىڭ نەگىزىندە جازىلعان. باستى كەيىپكەر قازاقتىڭ قاراپايىم جىگىتى 1939-جىلى ۆوروشيلوۆقا حات جازىپ، ءوز ەركىمەن قىزىل اسكەر قاتارىنا سۇرانادى.
سول كەتكەننەن زەينوللا اتامىز ۇلى وتان سوعىسىنىڭ بارلىق نەگىزگى شايقاستارىنا قاتىسىپ، تالاي مارتە جارالانسا دا، مايدانعا قايتا-قايتا سۇرانىپ، اقىرىندا جەڭىسپەن بەرلينگە دەيىن جەتەدى.
سوعىستا كورسەتكەن ەرلىكتەرى ءۇشىن، باتىر جەرلەسىمىز ءۇش مارتە وتان سوعىسى جانە قىزىل جۇلدىز وردەندەرىمەن، سونداي-اق ماسكەۋ، ستالينگراد، كۋرسك، بەرلين شايقاستارى مەن ۋكراينانى جانە پولشانى ازات ەتكەنى ءۇشىن كوپتەگەن مەدالمەن ماراپاتتالعان. ەلىنە تەك 1947-جىلى ورالعان زەينوللا سۇلەيمەن ۇلى ەڭبەك جولىن ىشكى ىستەر ورگاندارىندا جالعاستىرىپ، بار ءومىرىن قىلمىسپەن كۇرەس ىسىنە ارنايدى.
