اقتاۋعا جاڭا گەرب جاسالادى
قازىر سۋرەتشى قالا تۇرعىندارى مەن الەۋمەتتىك جەلى قولدانۋشىلارىنان ۇسىنىس قابىلداپ جاتىر. كوپشىلىك سۋرەتشىگە گەربتە تەڭىز، تۇلەندەر، اققۋ، مۇناي مۇناراسى، ارقار، زاكىر، قوقيقاز، بەكىرە، الاقان سياقتى بەينەلەردىڭ بولۋىن ۇسىنعان. باسمانوۆ بۇل ۇسىنىستاردىڭ ءبىرازىن ەسكەرەتىنىن ايتتى.
«تەڭىز بەن اققۋلار گەرب نۇسقالارىنىڭ بىرىندە مىندەتتى تۇردە بولادى. كوپشىلىك ءبىزدىڭ قالانىڭ وسى سيمۆولدارىن كورگىسى كەلەدى. باسقا نۇسقالار تۋرالى ازىرشە ويىمدى ناقتىلاي قويعان جوقپىن. گەربتە كەمەلەردىڭ جولىن كورسەتەتىن شامشىراقتىڭ بولعانىن قالايمىن، سەبەبى الەمنىڭ ەكى قالاسىندا عانا كوپ قاباتتى ءۇيدىڭ توبەسىنە ماياك ورناتىلعان. ماعان ءتۇرلى-ءتۇستى الاقاننىڭ بولۋى تۋرالى يدەيا دا ۇنادى، بۇل ءبىزدىڭ قالانىڭ كوپ ۇلتتى ەكەنىن بىلدىرەدى. الاقان گەربتىڭ اينالاسىندا بولادى، ال ىشىنە تەڭىز، ءمۇيىس جانە ماياك بەينەلەنەدى دەپ ويلايمىن»، - دەيدى باسمانوۆ.
ديزاينەر گەربكە ءسال دە بولسا، ديناميكا بەرۋ ءۇشىن وعان بۇركىتتىڭ بەينەسىن قوسۋ جونىندە دە ويلاناتىنىن ايتتى. ول گەربتى بەكىتەتىن كوميسسيانىڭ تالقىسىنا بىرنەشە نۇسقا ۇسىنباقشى. قالا اكىمدىگى ناۋرىز ايىنىڭ سوڭىنا دەيىن اقتاۋدىڭ جاڭا گەربىنىڭ تۇپكىلىكتى نۇسقاسىن تاڭداۋى ءتيىس.
ماكسيم باسمانوۆ بۇعان دەيىن دە وڭىردەگى كوپتەگەن نىسانىنىڭ ديزاينىن جاساعان. ونىڭ ىشىندە، جەرگىلىكتى مەيرامحانالاردىڭ ينتەرەرى مەن بەكەت اتا جەراستى مەشىتىنە اپاراتىن جولدىڭ جوباسى بار. «مەن قازاقتاردىڭ بەكەت اتامەن بايلانىستى داستۇرلەرى مەن اڭىزدارىن بەينەلەدىم. ادامداردى بەكەت اتاعا اپاراتىن جولىنىڭ بويىنا كىشكەنتاي ساۋلەت فورمالارىن جاساۋدى ۇسىندىم. ءبىراق ولار جاي عانا ەسكەرتكىشتەر ەمەس، سول جەردە ءجۇزجىلدىقتار بويى جاتقان جادىگەرلەردەي بولۋى ءتيىس»، - دەيدى سۋرەتشى. ول جول بويىنداعى شاتقالدارعا قۇران جولدارىن ويىپ جازۋدى دا ۇسىنعان.
tengrinews.kz
