رەسەيلىك عالىمدار بالانىڭ سۋعا باتىپ بارا جاتقانى تۋرالى بەلگى بەرەتىن بىلەزىك ويلاپ تاپتى
«بۇل قۇرال قاۋىپتى تەز «سەزەدى» - قولدارىن ۇرەيلى سەرمەۋ، جيىلەپ كەتكەن جۇرەك قاعىسى اتا-انالارعا بالالارىنىڭ قاۋىپتى جاعدايعا تۇسكەنى تۋرالى حابارلايدى. بىلەزىك بالا سۋدىڭ بەتىندە تۇنشىعا باستاعان ساتتە-اق ىسكە قوسىلۋى ءتيىس»، - دەيدى جوبا قولعا الىنىپ جاتقان توم ۋنيۆەرسيتەتىنىڭ قىزمەتكەرلەرى.
ەلەكتروندىق قۇرىلعىنى ىلعالدان گەرمەتيكالىق قابىعى قورعايدى. بۇدان باسقا، قۇرىلعىعا بالا سۋ استىنا كەتكەن جاعدايدا سۋدىڭ بەتىندە كورىنەتىن ارنايى جالاۋشا بەكىتىلگەن - بۇل سۋعا باتقان بالانىڭ قۇتقارىلۋ مۇمكىندىگىن كوبەيتەدى. بىلەزىك 120 مەترگە دەيىنگى قاشىقتىقتا راديوبەلگى بەرە الادى.
قۇرىلعىلار جۇپتاپ شىعارىلماق: بالالار بىلەزىگى قاۋىپ تونگەنى تۋرالى اقپارات تاراتسا، اتا-انالارعا ارنالعان بىلەزىك ونى قابىلداپ، بەلگىنى قابىلدايدى.
