الەمدەگى ەڭ كەدەي پرەزيدەنت قىزمەتىنەن كەتەدى
كونستيتۋتسياعا سايكەس مەملەكەت باسشىسىنىڭ ەكىنشى مەرزىمگە قاتارىنان داۋىسقا تۇسۋىنە قۇقىعى جوق. ۋرۋگۆايدا وتكەن سايلاۋدىڭ ناتيجەسىمەن 2015-جىلعى 1- ناۋرىزدا ەلدىڭ بۇرىنعى پرەزيدەنتى، 74 جاستاعى ونكولوگ-دارىگەر تابارە ۆاسكەس 4 جىلعى ۇزىلىستەن كەيىن بيلىككە ورالادى.
دەگەنمەن، مۋحيكي ساياسي ساحنادان كەتپەيدى، ول سەناتور لاۋازىمىنا جايعاسادى، دەپ حابارلادى ت ا س س.
ۋرۋگۆايدىڭ قىزمەتىنەن كەتىپ بارا جاتقان كوشباسشىسى بۇرىن 1960-1970- جىلدارى رەجيممەن كۇرەستە لاڭكەستىك، بانكتەردى توناۋ، كەپىلدىكتەر الۋ سياقتى كۇرەستىڭ قارۋلى ادىستەرىن پايدالانعان Tupamaros توبىنىڭ قاتىسۋشىسى رەتىندە تانىمال. اسكەرلەرمەن قاقتىعىستا مۋحيكي التى رەت جارالاندى، تۇتقىنعا الىندى، ازاپتاۋلاردان ءوتىپ، جالپى العاندا 14 جىلدان استام ۋاقىت بويى تۇرمەدە وتىردى. 1985-جىلى ناۋرىزدا ساياسي تۇتقىندارعا كەشىرىم جاريالانعاننان كەيىن بيلىكتى كۇشپەن باسىپ الۋدى قولدانۋ قاتە ەكەنىن تۇسىنگەن جاعدايدا بوستاندىققا شىقتى.
حوسە مۋحيكيدى باسپا ءسوز «الەمدەگى ەڭ كەدەي پرەزيدەنت» دەپ اتادى. ول قاراپايىم كيىنگەندى قولاي كورەدى، ەڭبەكاقىسىنىڭ ەداۋىر بولىگىن قايىرىمدىلىققا بەرەدى جانە قالا سىرتىنداعى قاراپايىم ۇيدە تۇرادى.
