ءناپاقاسىنان ايىرىلعان حالىق شەرۋگە شىقتى

كاسىپوداق مۇشەلەرى ايماقتا ەڭبەك داۋى ءورشىپ تۇرعانىن حابارلادى. قۇرامىندا ونداعان كاسىپورنى بار ءىرى حيميالىق كونسەرندەردىڭ ءبىرى 300 دەن استام قىزمەتكەرىن جۇمىستان شىعارعان.

قازىر يزرايلدە 300 دەن استام وتباسى وسىنداي جاعدايدا وتىر. ەلدەگى «حيميكاليم لە-يسراەل» اتتى ءىرى كونسەرن ءوز ەڭبەككەرلەرىنە جۇمىستان بوساتۋ تۋرالى ەسكەرتۋ جىبەرگەن. بۇعان حالىق نارازىلىق ءبىلدىرىپ قالا كوشەلەرىنە جاپپاي ەرەۋىلگە شىقتى. ەرەۋىلدەر ءبىر اپتا بويى جالعاسىپ كەلەدى. جۇمىسشىلاردى قولداپ دارىگەرلەر، مۇعالىمدەر، ستۋدەنتتەر مەن مەملەكەتتىك قىزمەتكەرلەر دە شىقتى. جينالعان جۇرت جاپپاي قىسقارتۋ قارجى داعدارىسىنا قاتىسى بار ەكەنىنە سەنبەيدى. ولاردىڭ پىكىرىنشە، جۇمىس بەرۋشىلەر قاراجاتتى ۇنەمدەپ، ءوز قالتالارىنا سالۋدى ويلاپ وتىر. ءناپاقاسىز قالعان تۇرعىنداردىڭ اشۋ-ىزاسىندا شەك جوق. ءتىپتى قىسقارتۋ تۋرالى حات اكەلگەندەرگە قول كوتەرگەندەر دە بار. ال كونسەرن باسشىلىعى بۇل جايتقا قاتىستى تولىق اقپارات بەرمەي، تىلشىلەرمەن رەسمي حات ارقىلى عانا حابارلاسادى.

- «كاسىپ وداق مۇشەلەرى مەن جۇمىسشىلار كوميتەتى كاسىپورىندى وزىنە باعىندىرۋ ءۇشىن قوقان-لوققى جاساپ وتىر. ءبىزدىڭ ويىمىزشا، ولاردىڭ بۇل ارەكەتتەرى - پارلامەنت سايلاۋى الدىندا ادەيى ۇيىمداستىرىلعان شارا. ولار وسىلايشا كوبىرەك داۋىس جيناعىسى كەلەدى. ءبىز قىسقارتۋعا ىلىككەن بارلىق ازاماتتارعا ءتيىستى تولەم تولەنەتىنىنە ۋادە بەرەمىز»، دەلىنگەن «حيميكاليم لە-يسراەل» كونسەرنى جازعان رەسمي حاتتا.

كاسىپوداق تا العان بەتتەن قايتپاۋعا بەكىنگەن. ۇكىمەتكە وسى ماسەلەگە ارالاسىپ، جاپپاي قىسقارتۋدى بولدىرماۋ تۋرالى ءوتىنىش ءبىلدىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى