الماتى وبلىسىندا «جامبىل كۇنى» مەرەكەلەندى

شارا اياسىندا ۇزىناعاش اۋىلىندا جامبىل اللەياسىندا اقىننىڭ مۇسىنىنە، سونداي-اق اتاقتى كومپوزيتور نۇرعيسا تىلەنديەۆتىڭ ەسكەرتكىشىنە گۇل شوقتارى قويىلدى.

اقىننىڭ تۋعان كۇنىنە ارنالعان سالتاناتتى شارادا الماتى وبلىسىنىڭ اكىمى اماندىق باتالوۆ ءسوز سويلەدى.

- مەملەكەت باسشىسى نۇرسۇلتان نازاربايەۆ «جامبىلدى ەسكە الىپ، قۇرمەتتەي وتىرىپ، ءبىز سونىمەن بىرگە ول جاساعان ۇلى مادەنيەتكە باسىمىزدى يەمىز»، - دەگەن بولاتىن. وبلىسىمىزدا ۇلى اقىننىڭ، ⅩⅩعاسىردىڭ گومەرىنىڭ تۋعان كۇنىن جىل سايىن مەرەكەلەۋ داستۇرگە اينالدى، ونىڭ ءومىرى مەن شىعارماشىلىعىندا ەكى عاسىر تاماشا ورىلگەن. جامبىل جابايەۆ قازاقستان تاريحىنداعى ەڭ تانىمال سۋىرىپ سالما اقىن. ول ءوزىنىڭ ولەڭدەرىندە تۋعان ولكەنى جىرعا قوستى، حالىقتىڭ ءومىرىن جىرلادى، ەل قورعاعان باتىرلارعا قاھارماندىق تولعاۋلارىن ارنادى، ۇلى وتان سوعىسى جىلدارىندا وتانىمىزدى قورعاعان ساربازدارعا ءوزىنىڭ قۋاتتى جىرلارىمەن دەم بەردى. ۇلى اقىننىڭ شىعارماشىلىعى بۇگىن دە وزەكتى، ونىڭ جىرلارى حالقىمىزدىڭ ماڭگى ەسىندە»، - دەپ اتاپ ءوتتى ءوڭىر باسشىسى.

بۇدان ءارى وبلىس اكىمى كەلەسى جىلى ۇلى اقىننىڭ 170 جىلدىق مەرەيتويىن، ال بيىلعى جىلى جامبىلدىڭ ۇلى ۇستازى - ءسۇيىنباي ارون ۇلىنىڭ 200 جىلدىعىن مەرەكەلەۋ ماسەلەلەرى تۋرالى ءسوز قوزعادى.

شارا سوڭىندا مەرەكەلىك كونسەرت قويىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى