الماتى پوليتسياسى مەن قالانىڭ كاسىپكەرلەر پالاتاسى بيزنەس قۇقىعىن قورعاۋ جونىندە ىنتىماقتاستىققا ۋاعدالاستى
ونىڭ جۇمىسىنا ىشكى ىستەر ورگاندارى ارداگەرلەرى، وڭىرلىك كاسىپكەرلەر پالاتاسىنىڭ، ۇ ە ۇ، بيزنەس قوعامداستىقتار وكىلدەرى، قالالىق ءماسليحاتتىڭ دەپۋتاتتارى، جۋرناليستەر، قۇقىق قورعاۋشىلار، الماتىلىق پوليتسيا قىزمەتتەرى مەن بولىمشەلەرىنىڭ وكىلدەرى قاتىستى.
«مەملەكەت باسشىسىنىڭ تاپسىرماسىنا سايكەس بۇكىل الەمدىك ەكونوميكالىق فورۋمنىڭ باسەكەگە قابىلەتتىلىك جاھاندىق يندەكسىنىڭ 2016-جىلعا دەيىنگى كورسەتكىشتەرىن جاقسارتۋ شارالارى جوسپارى جاسالۋدا. ىشكى ىستەر وڭىرلىك دپارتامەتتەرى قوعامدىق كەڭەستەرى وتىسىستارىن وتكىزۋ شارالارىنىڭ ءبىرى ۇلتتىق كاسىپكەرلىك پالاتاسى جانە بيزنەس-قوعامداستىقتار وكىلدەرىنىڭ قاتىسۋىمەن ءى ءى د- ىنە بەكىتىلگەن ينديكاتورلاردى جاقسارتۋ بولىپ تابىلادى. ءبىز «جول قوزعالىسى ەرەجەلەرى تۋرالى» ق ر زاڭىنا ەنگىزىلگەن قىلمىستىق سوت ءوندىرىسىنىڭ جاڭا مودەلىن، پوليتسيا قىزمەتىندەگى يننوۆاتسيالىق تەحنولوگيالاردى ەنگىزۋ ماسەلەلەرىن، ءى ءى د قىزمەتتەرى مەن بولىمشەلەرىنىڭ ۇيىمداسقان قىلمىسپەن كۇرەستەگى نەگىزگى وڭ كورسەتكىشتەرىن تالقىلادىق»، - دەدى قوعامدىق كەڭەستىڭ ءتوراعاسى، گەنەرال-لەيتەنانت بولات بايەكەنوۆ.
الماتى ءى ءى د باسشىلىعى قازىرگى ۋاقىتتا بۇكىل الەمدىك ەكونوميكالىق فورۋم رەيتينگىسىندە ەلدىڭ نەگىزگى ۇستانىمدارىن جاقسارتۋعا جاردەمدەسەتىن شارالار قازىردىڭ وزىندە جاسالىپ، ويداعىداي جۇزەگە اسىرىلىپ جاتقانىن اتاپ ءوتتى.
«اتاپ ايتقاندا، قۇقىق بۇزۋشىلىق پەن قىلمىستار تۋرالى ازاماتتاردىڭ حابارلامالارىن، وتىنىشتەرىن ەسەپكە الۋ جانە تىركەۋدى تولىققاندى جۇرگىزۋ مىندەتتەرى ويداعىداي جۇرگىزىلۋدە، ليتسەنزيالاۋ جانە مەملەكەتتىك قىزمەتتەر كورسەتۋدىڭ كەيبىر تۇرلەرىن ەلەكتروندىق فورماتقا كوشىرۋ جانە اۆتوماتتاندىرۋ، وڭتايلاندىرۋ جولىمەن بيزنەس-قوعامداستىقپەن جۇمىس وڭايلاتىلۋدا؛ مامانداندىرىلعان ح ق ك و جەلىسىن كەڭەيتۋ شارالارى الىنۋدا؛ قوعام مەن ءى ءى د- ءنىڭ ءوزارا اشىق ءىس-قيمىلى ساياساتى جەتىلدىرىلۋدە جانە سونىڭ ىشىندە ءى ءى د رەسمي سايتى ارقىلى قالا پوليتسياسىنىڭ قىزمەتى تۋرالى اقپاراتتار ورنالاستىرىلۋدا جانە ۆەدومستۆو باسشىلىعى ارنايى بلوگىنا ازاماتتاردىڭ كىرۋى ارقىلى سىندارلى ديالوگ كوزدەلگەن»، - دەپ اتاپ ءوتتى الماتى ءى ءى د باستىعىنىڭ ورىنباسارى، پولكوۆنيك ەرجان ورازبەكوۆ.
كەزدەسۋ قورىتىندىسىمەن الماتى ءى ءى د، ونىڭ قوعامدىق كەڭەسى جانە قالا كاسىپكەرلەر پالاتاسى اراسىندا مەملەكەت باسشىسىنىڭ تاپسىرمالارىن ءتيىمدى جۇزەگە اسىرۋعا، كاسىپكەرلەر سۋبەكتىلەرىنىڭ زاڭدى قۇقىقتارى مەن مۇددەلەرىن قامتاماسىز ەتۋگە جاردەمدەسەتىن كەلىسىم قابىلداندى.
