استانادا جاستاردى جۇمىسقا ورنالاستىرۋ جوباسى جۇزەگە اسىرىلماق
بۇل جاستارعا قالاداعى ەڭبەك نارىعى تۋرالى كوبىرەك بىلۋگە جانە لايىقتى جۇمىس ورنىن تابۋعا مۇمكىندىك بەرەدى، دەپ حابارلايدى ەلوردا اكىمدىگىنىڭ باسپا ءسوز قىزمەتىنەن.
استانا قالاسىنىڭ جاستار ساياساتى ماسەلەلەرى باسقارماسى، استانا قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى جانە استانا قالاسىنىڭ كاسىپكەرلەر پالاتاسى جاستاردى جۇمىسپەن قامتاماسىز ەتۋ جانە اقپاراتتاندىرۋ ماقساتىندا «جاستاردى جۇمىسقا ورنالاستىرۋ ءموبيلدى پۋنكتى» جوباسىن باستايدى. جوبا اياسىندا اقپاراتتىق ستەندتتەردى ورنالاستىرۋ، كونسۋلتاتسيالار بەرۋ، كىتاپشالار تاراتۋ جۇمىستارى جۇرگىزىلەدى.
ءىس- شارانىڭ ماقساتى - جاستاردى جۇمىسپەن قامتۋ جانە ومىرلىك ماقساتىن جۇزەگە اسىرۋعا كومەكتەسۋ. اتالعان ءىس- شارا ەلوردامىزعا باسقا قالالاردان جۇمىس ىزدەپ كەلۋشى جاستاردى جۇمىسقا ورنالاستىرۋ مۇمكىندىكتەرى جايلى، سىناقتان ءوتۋ، سونداي-اق ەلوردامىزدىڭ ەڭبەك نارىعىندا سۇرانىسقا يە ماماندىقتار ىشىنەن بولاشاق كاسىپتى تاڭداۋعا جانە حاباردار بولۋعا مۇمكىندىك بەرەدى.
جاستار جۇمىسقا ورنالاسۋ ءۇشىن جۇمىس بەرۋشىنىڭ ساۋالناماسىن تولتىرىپ، اڭگىمەلەسۋدىڭ پسيحولوگيالىق اسپەكتىلەرى مەن جۇمىسقا قاجەتتى قۇجاتتاردى دايىنداۋ بويىنشا قىسقاشا جەكە اقىل- كەڭەس الا الادى.
