قازاقستان رەسپۋبليكاسىنىڭ پرەزيدەنتتىگىنە كانديداتتاردىڭ مەملەكەتتىك ءتىلدى ەركىن مەڭگەرگەندىگىن انىقتايتىن لينگۆيستيكالىق كوميسسيا قۇرىلدى

قازاقستان رەسپۋبليكاسى ورتالىق سايلاۋ كوميسسياسىنىڭ قاۋلىسى

2015 - جىلعى 27 - اقپان № 6/263 استانا قالاسى

قازاقستان رەسپۋبليكاسىنىڭ پرەزيدەنتتىگىنە كانديداتتاردىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيانى قۇرۋ تۋرالى

قازاقستان رەسپۋبليكاسىنىڭ كونستيتۋتسياسى 41-بابىنىڭ 2-تارماعىنا، «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 - جىلعى 28 - قىركۇيەكتەگى كونستيتۋتسيالىق زاڭىنىڭ 54-بابىنا، «قازاقستان رەسپۋبليكاسىنىڭ كونستيتۋتسياسى 41-بابىنىڭ 2-تارماعىن رەسمي ءتۇسىندىرۋ تۋرالى» قازاقستان رەسپۋبليكاسى كونستيتۋتسيالىق كەڭەسىنىڭ 1998 - جىلعى 9 - قازانداعى № 9/2 قاۋلىسىنا سايكەس قازاقستان رەسپۋبليكاسى ورتالىق سايلاۋ كوميسسياسى قاۋلى ەتەدى:

1. قازاقستان رەسپۋبليكاسىنىڭ پرەزيدەنتتىگىنە كانديداتتاردىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيا وسى قاۋلىعا قوسىمشاعا ساي قۇرامدا قۇرىلسىن.

2. قازاقستان رەسپۋبليكاسى ورتالىق سايلاۋ كوميسسياسىنىڭ «قازاقستان رەسپۋبليكاسىنىڭ پرەزيدەنتتىگىنە كانديداتتىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيانى قۇرۋ تۋرالى» 2005 - جىلعى 31 - تامىزداعى № 12/25، «قازاقستان رەسپۋبليكاسى ورتالىق سايلاۋ كوميسسياسىنىڭ 2005 - جىلعى 31 - تامىزداعى № 12/25 قاۋلىسىنا وزگەرىس ەنگىزۋ تۋرالى» 2011 - جىلعى 7 - اقپانداعى № 17/25 قاۋلىلارىنىڭ كۇشى جويىلدى دەپ تانىلسىن.

3. وسى قاۋلى بۇقارالىق اقپارات قۇرالدارىندا جاريالانسىن.

ءتوراعا ق. تۇرعانقۇلوۆ

 حاتشى ب. مەلدەشوۆ

قازاقستان رەسپۋبليكاسى ورتالىق سايلاۋ كوميسسياسى 2015 - جىلعى 27 - اقپانداعى № 6/263 قاۋلىسىنا قوسىمشا

قازاقستان رەسپۋبليكاسىنىڭ پرەزيدەنتتىگىنە كانديداتتاردىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيانىڭ قۇرامى

جولداسبەكوۆ مىرزاتاي جولداسبەك ۇلى

- ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى تۇركىتانۋ كافەدراسىنىڭ مەڭگەرۋشىسى، فيلولوگيا عىلىمدارىنىڭ دوكتورى، پروفەسسور (كەلىسىم بويىنشا)، ءتوراعا؛

ورازبايەۆا فاۋزيا ءشامسي قىزى

- اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ قازاق ءتىلى تەورياسى مەن ادىستەمەسى كافەدراسىنىڭ پروفەسسورى، پەداگوگيكا عىلىمدارىنىڭ دوكتورى، ق ر ۇ ع ا مۇشە- كوررەسپوندەنتى، حالىقارالىق رەسەي پەداگوگيكالىق عىلىم اكادەمياسىنىڭ اكادەميگى، پەداگوگيكا عىلىمدارىنىڭ دوكتورى (كەلىسىم بويىنشا)، حاتشى؛

قامزابەك ۇلى ديحان

- ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى، ق ر ۇ ع ا مۇشە- كوررەسپوندەنتى، فيلولوگيا عىلىمدارىنىڭ دوكتورى، پروفەسسور (كەلىسىم بويىنشا)؛

قاسقاباسوۆ سەيىت اسقار ۇلى

- ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ قازاق ادەبيەتى كافەدراسىنىڭ مەڭگەرۋشىسى، فيلولوگيا عىلىمدارىنىڭ دوكتورى، پروفەسسور، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، قر ۇعا اكادەميگى (كەلىسىم بويىنشا)؛

قۇرمانباي گۇلتاس سايىن قىزى

- نازاربايەۆ ۋنيۆەرسيتەتى قازاق ءتىلى، ادەبيەتى جانە مادەنيەتى كافەدراسىنىڭ مەڭگەرۋشىسى، پەداگوگيكا عىلىمدارىنىڭ دوكتورى، پروفەسسور (كەلىسىم بويىنشا).

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى