ينتەرنەتتە قىزۋ تالقىلانعان كويلەكتىڭ سىرى اشىلدى

پورتال جۇرگىزگەن ساۋالنامانىڭ ناتيجەسى بويىنشا، ساۋالعا جاۋاپ بەرگەندەردىڭ 75 پايىزى - كويلەكتىڭ ءتۇسى اق جانە التىن تۇستەس دەسە، 25 پايىزى قارا-كوك دەپ جاۋاپ بەرگەن.

بۇعان قاتىستى اتاقتى ادامداردىڭ دا پىكىرى ەكىگە ءبولىندى: دجيممي فەللون، دجۋلياننا مۋر مەن كيم كارداشيان اق- التىن ءتۇستى كويلەكتى كورسە، تەيلور سۆيفت، دجەيمس فرانكو مەن كانە ۋەست قارا- كوك دەپ جاۋاپ بەرگەن.

ال تەلەۆيزيا مەن ينتەرنەت جۇلدىزى كيم كارداشيان كويلەكتىڭ تۇسىنە قاتىستى جولداسىمەن باستەسكەنىن الەۋمەتتىك جەلىدە جازىپتى. ءانشى تەيلور سۆيفتتىڭ حابارلاماسىنا قاراعاندا، ول دا كويلەكتىڭ ءتۇسى ناقتى قانداي ەكەنىن بىلمەي، ابدىراپ قالعان، ونىڭ ويىنشا كويلەكتىڭ ءتۇسى - قارا- كوك. ال «قۇپيا ماتەريالدار» تەلەحيكاياسىنىڭ جۇلدىزى دەۆيد دۋحوۆنى كويلەكتىڭ ءتۇسى جاسىل- كوك دەپ جاۋاپ بەرگەن.

كويلەكتىڭ سۋرەتى ينتەرنەتتە تەز تارالعانى سونشا، Twitter جەلىسىندە #TheDress ارنايى حەشتەگى مەن بىرنەشە ساعاتتىڭ ىشىندە كويلەكتى كيىپ تۇرعان جانۋارلار مەن اكۋلانىڭ سۋرەتتەرى پايدا بولا باستاعان.

پورتالدىڭ مالىمەتىنشە، 25 - اقپاندا Tumblr- دىڭ Swiked اتتى قولدانۋشىسى كويلەكتىڭ سۋرەتىن جاريالاپ، ونىڭ ءتۇسى اق- التىن تۇستەس پە، الدە قارا- كوك پە دەگەن سۇراق قويىپتى. كويلەكتىڭ سۋرەتىن جاريالاعان كەيتلين ماكنيلدىڭ ايتۋىنشا، ول باسىندا بۇل تۋرالى دوستارىمەن باستەسكەن.

شىندىعىندا كويلەكتىڭ ءتۇسى - كوك. ول قالىڭدىقتىڭ اناسىنا ارنالىپ الىنعان كويلەك ەكەن. ونىڭ تۇسىنە قاتىستى تالاس تويعا ءبىر اپتا قالعاندا باستالعان.

وسىنشا داۋلى پىكىرتالاس تۋعىزعان كويلەككە بايلانىستى TJournal.ru زەرتتەۋ جۇرگىزىپ كوردى.

وفتالمولوگتاردىڭ سوزىنە قاراعاندا، ءتۇستىڭ اركىمگە ءارتۇرلى بولىپ كورىنۋى كوزدىڭ كورۋ قابىلەتىنىڭ وزىندىك ەرەكشەلىگىمەن بايلانىستى. مي كوز تورىنا تۇسكەن ۇزىندىعى ءارتۇرلى ءتۇستىڭ تولقىندارىن وڭدەيدى، ال ءتۇستى تانۋ جان- جاقتى ەموتسيالىق رەاكتسيالارمەن بايلانىستى. سوندىقتان كەيبىر ادامدار كولەڭكە جەردىڭ وزىندە اق جانە التىن ءتۇستى كورسە، وزگەلەرى تەك كوك جانە قارا ءتۇستى عانا كورە الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى