ءۇندىنىڭ «كەلىن» تەلەحيكاياسىنىڭ جۇلدىزىن تابىنۋشىلارى استانا حالىقارالىق اۋەجايىندا قارسى الدى - فوتو
«قازاقستان» تەلەارناسىندا كورسەتىلەتىن «كەلىن» ءۇندى تەلەحيكاياسىنىڭ باستى رولدەرىنىڭ ءبىرى، شيۆا ءرولىن سومداۋشى (باستى رولدەردىڭ ءبىرى - انانديدىڭ كۇيەۋى) سيدحارت شۋكحلا 27 - اقپان - 2 - ناۋرىز ارالىعىندا قازاقستاندا بولادى. سيدحارت استاناعا اناسىمەن كەلدى. ريتا شۋحلا سونىمەن قوسا سيدحاردتىڭ اگەنتى بولىپ تابىلادى.
ۇلتتىق تەلەارنانىڭ كورەرمەندەرى سيدحارت شۋكحلانىڭ كەلۋىن اسىعا كۇتتى جانە ونى اۋەجايعا بارىپ گۇل شوقتارى مەن اسەم شارلارمەن قارسى الدى.
استانا حالىقارالىق اۋەجايىندا سيدحارتتى «قازاقستان» تەلەارناسىنىڭ جۇرگىزۋشىلەرى نۇرلان قويانبايەۆ، ءلايلا سۇلتان قىزى قارسى الدى.
ءوزىنىڭ سۋرەتتەرى مەن باسپا ءسوز بەتتەرىندە جارىق كورگەن ماقالالارىن كورىپ، قازاقستاندىقتاردىڭ اراسىندا اسا تانىمال ەكەنىنە شىن كوڭىلدەن تاڭ قالعانىن جاسىرمادى.
سيدحارتتىڭ ايتۋىنشا، مۋمبايدان شىققاندا اۋا تەمپەراتۋراسى +26 گرادۋس بولعان ەكەن. استانادا ءبىراز توڭعانىن جاسىرمادى. سوعان قاراماستان، قازاق حالقىنىڭ قوناقجايلىعى دالاداعى ايازدى قولمەن جۇلىپ العانداي.
سونىمەن قوسا، ەلوردانىڭ ءزاۋلىم عيماراتتارى مەن قالىڭ قارلارى سيدحارتقا ەرەكشە اسەر ەتكەن كورىنەدى. سەبەبى، ول قىس مەزگىلىندە شاڭعى سپورتىمەن اينالىسقاندى ۇناتاتىنىن جاسىرمادى.
28 - اقپان، سەنبى كۇنى، ساعات 15.00 دە «حان شاتىر» ساۋدا- ويىن ساۋىقتىرۋ ورتالىعىندا اكتەر كورەرمەندەرمەن كەزدەسىپ، افتوگراف- سەسسيا وتكىزەدى.
سونىمەن قاتار، 28 - اقپان كۇنى «جۇلدىزبەن كەشكى اس» جوسپارلانىپ وتىر: «قازاقستان» رەسپۋبليكالىق تەلەراديوكورپوراتسياسىنىڭ ۆەب- پورتالىندا جاريالانعان ۆيكتورينا جەڭىمپازدارى استانا قالاسىنىڭ مەيرامحانالارىنىڭ بىرىندە سيدحارت شۋكحلامەن جانە تانىمال وتاندىق «قارا شاڭىراق» تەلەحيكاياسىندا باستى رولدەردىڭ ءبىرىن سومداعان اكتەرمەن كەشكى اس ءىشۋ مۇمكىندىگىنە يە بولادى.
2 - ناۋرىز، دۇيسەنبى كۇنى، «قازمەديا ورتالىعىنىڭ» 11-قاباتىندا ساعات 12.00 دە سيدحارت شۋكحلا جانە وتاندىق تانىمال «قارا شاڭىراق» تەلەحيكاياسىنىڭ باستى رولدەرىنىڭ ءبىرىن سومداعان ازامات ساتىبالدىمەن ب ا ق وكىلدەرىنە ارنالعان باسپا ءسوز- كونفەرەنسياسى وتەدى.
2 - ناۋرىز كۇنى ساعات 15.00- دە سيدحارت شۋكحلا «قازاقستان» ۇلتتىق ارناسىندا تىكەلەي ەفيردەگى «ايەل باقىتى» باعدارلاماسىنا قوناققا كەلەدى. وسى كۇنى تەلەكورەرمەندەر تانىمال جۇلدىزدى «تۇنگى ستۋديادا نۇرلان قويانبايەۆ» توك- شوۋىنان كورە الادى.
