جامبىل وبلىسىندا تىكۇشاق قۇلادى

«27 - اقپاندا ساعات 12.20-دا جامبىل وبلىسى ت ج د جەدەل كەزەكشى پۋلتىنە «قاز ايروناۆيگاتسيا» ر م ك بريففينگ- تاراز توبىنىڭ ديسپەتچەرىنەن حابارلاما كەلىپ ءتۇستى، وندا جامبىل وبلىسىندا 27 - اقپاندا ساعات 12.05-تە «TalasInvestmentCompany» ج ش س- نىڭ سيانيد ناتري وندىرەتىن زاۋىت اۋماعىنداعى تىكۇشاق الاڭىندا ۇشىرىلىم كەزىندە Eurocopter ەس 130 تىكۇشاعى قۇلاعانى حابارلاندى. ەكيپاج كومانديرى تىكۇشاقتى جالعىز ءوزى باسقارعان، جولاۋشىلار بولماعان، زارداپ شەككەندەر جوق»، - دەلىنگەن ت ج د حابارلاماسىندا.

 بورت ءنومىرى ЕЦ-010، ءبىر موتورلى جەڭىل Eurocopter ЕС 130 تىكۇشاعى «كاما» وپەراتورى (و ق و) «ساۋ ت س ويل» ج ش س- عا تيەسىلى.

الدىن الا دەرەكتەر بويىنشا، اپات سەبەبى تىكۇشاقتىڭ باسقارۋ جابدىعى ىستەن شىققان.

وقيعا ورنىنا تالاس اۋدانىنىڭ جەدەل توبى كەلدى. بارلىعى 16 ادام، 5 تەحنيكا.

 بۇل - جامبىل وبلىسىندا جىل باسىنان باستاپ ورىن العان ەكىنشى وقيعا. ەسكە سالساق، 20 - قاڭتاردا «شاتىركول» كەن ورنىندا АН-2 ۇشاعى اپاتقا ۇشىراپ، ءۇش ەكيپاج مۇشەسى، ءۇش جولاۋشى قازا تاپقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى