ق ر پرەزيدەنتتىگىنە كانديداتتاردى مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى كوميسسيا قۇرامى بەكىتىلدى
بۇگىنگى وتىرىسقا ق ر پرەزيدەنتتىگىنە كانديداتتاردى مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستكالىق كوميسسيانى قۇرۋ تۋرالى قاۋلى جوباسى ۇسىنىلىپ وتىرعاندىعىن ايتقان ق ر ورتالىق سايلاۋ كوميسسياسىنىڭ مۇشەسى ءلاززات سۇلەيمەن:
«ق ر كونستيتۋتسياسى 41- بابى 2- تارماعىنا، سايلاۋ تۋرالى زاڭنىڭ 54- بابىنا، ق ر كونستيتۋتسياسىنىڭ 41-بابى 2- تارماعىن رەسمي ءتۇسىندىرۋ تۋرالى ق ر كونستيتۋتسيالىق كەڭەسىنىڭ 1998 - جىلعى قاۋلىسىنا سايكەس سايلاۋ كوميسسياسىنىڭ قاۋلىسىنىڭ جوباسى بويىنشا ق ر پرەزيدەنتتىگىنە كانديداتتاردى مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستكالىق كوميسسيا مىنا قۇرامدا قۇرىلۋىن ۇسىنامىز:
كەلىسىمدەرى بويىنشا، مىرزاتاي جولداسبەكوۆ ل. گۋميليەۆ اتىنداعى ەۋرازيا ۇلتتىق ۋنيۆەرسيتەتى تۇركىتانۋ كافەدراسىنىڭ مەڭگەرۋشىسى، فيلولوگيا عىلىمدارىنىڭ دوكتورى، پروفەسسور؛ فاۋزيا ورازبايەۆا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى، پەداگوگيكا عىلىمدارىنىڭ دوكتورى، ق ر ۇ ع ا (ۇلتتىق عىلىم اكەدەمياسى) كوررەسپوندەنت- مۇشەسى؛ ديحان قامزابەك ۇلى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى، ق ر ۇ ع ا كورروسپەندەنت- مۇشەسى، فيلولوگيا عىلىمدارىنىڭ دوكتورى، پروفەسسور؛ سەيىت قاسقاباسوۆ ل. گۋميليەۆ اتىنداعى ەۋرازيا ۇلتتىق ۋنيۆەرسيتەتى قازاق ادەبيەتى كافەدراسىنىڭ مەڭگەرۋشىسى، فيلولوگيا عىلىمدارىنىڭ دوكتورى، پروفەسسور، ق ر مەملەكەتتىك سىلىعىنىڭ لاۋرەاتى، ق ر ۇ ع ا اكادەميگى؛ گۇلتاس قۇرمانباي نازاربايەۆ ۋنيۆەرسيتەتى قازاق ءتىلى مەن مادەنيەتى كافەدراسىنىڭ مەڭگەرۋشىسى، پەداگوگيكا عىلىمدارىنىڭ دوكتورى، پروفەسسور. اتالعان ازاماتتار وسى جيىنعا قاتىسىپ وتىر. ەلىمىزدىڭ تانىمال قازاق ءتىلى مەن ادەبيەتىنىڭ ماماندارى. لينگۆيستيكالىق كوميسسيانى وسى قۇرامدا بەكىتىلۋىن ۇسىنامىن»، - دەدى.
ق ر ورتالىق سايلاۋ كوميسسياسى لينگۆيستيكالىق كوميسسيا قۇرامىن ءبىراۋىزدان ماقۇلدادى.
اۆتور: مارلان جيەمباي
