استانادا «نۇرلى جول بەلەستەرى» كورمەسىنە قازاقستاندىق ونەر شەبەرلەرىنىڭ تۋىندىلارى قويىلدى

ەكسپوزيتسياعا استانا قالاسى سۋرەتشىلەر وداعىنىڭ جۇمىستارى شىعارىلدى، دەپ حابارلايدى ەلوردا اكىمدىگىنىڭ باسپا ءسوز قىزمەتىنەن.

كورمەگە ءتۇرلى باعىتتاعى 139 جۇمىس - كلاسسيكالىق پورترەت، پەيزاج، سيمۆوليزم ستيلىندەگى سيۋجەتتىك كومپوزيتسيالار، سونىمەن قاتار زەرگەرلىك اشەكەيلەر مەن ساندىك- قولدانبالى بۇيىمدار قويىلدى.

كارتينالاردىڭ ستيلدىك، بەينەلىك جانە ورىنداۋ تەحنيكاسى جاعىنان تۇرلىلىگى سۋرەتشىلەر وداعى ۇجىمى شەبەرلەرىنىڭ شىعارماشىلىق ىزدەنىسىن ايقىندايدى. ۇسىنىلعان جاڭا ەكسپوزيتسيادا ۇلتتىق ونەردى مادەني سايكەستەندىرۋ بارىسى ايقىن جۇزەگە استى.

كورمەگە ك. س. احمەتجان، ا. ە. الپىسبايەۆ، ش. ە. ايدوس، ت. بايعاليەۆ، م. س. بايتەنوۆ، ت. ب. باتانوۆ، ا. بەكتاس، ا. ا. دىنىكەيەۆ، ل. ە. جانپەيىسوۆا، ك. ر. قاجەكەنوۆ، ا. ب. قادىربەكوۆ، ا. ج. ءمۇسالىموۆ جانە ت. ب. تانىمال قازاقستاندىق سۋرەتشىلەردىڭ تۋىندىلارى قويىلعان.

كورمەنىڭ ماقساتى - «نۇرلى جول» باعدارلاماسىن قولداۋ جانە ەلباسى ن. نازاربايەۆتىڭ حالىققا جولداۋىنداعى: «وتاندى ءسۇيۋ - بابالاردان ميراس بولعان ۇلى مۇرانى قادىرلەۋ، ونى كوزدىڭ قاراشىعىنداي ساقتاۋ، ءوز ۇلەسىڭدى قوسىپ، دامىتۋ جانە كەيىنگى ۇرپاققا امانات ەتىپ، تابىستاۋ دەگەن ءسوز. بارشا قازاقستاندىقتاردىڭ جۇمىسىنىڭ تۇپكى ءمانى - وسى!» سوزدەرىن ىسكە اسىرۋ.

شارا 20 - ناۋرىزعا دەيىن جالعاسادى، كورمەگە كىرۋ - تەگىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى