شىمكەنتتە بەلگىسىز قاسكوي مەكتەپ تەرەزەسىنە وق اتقان

41№ مەكتەپتىڭ ديرەكتورى اينا سارىمساقوۆا ايتقانداي، وقيعا شامامەن ساعات 17:00 كەزىندە ورىن العان.

«تاربيە جۇمىستارى بويىنشا مەڭگەرۋشى ماعان التىنشى سىنىپتا ماتەماتيكا ساباعى ءجۇرىپ جاتقاندا بىرەۋ تەرەزەگە وق اتقانى تۋرالى ايتتى. كەيىن كىشكەنتاي تەسىكتى بايقادىم. وقتى كابينەتتەن تاپتىق. ول ەدەندە جاتتى. ارينە، قاسكويدى انىقتاۋ ءۇشىن بىردەن پوليتسيانىڭ كومەگىنە جۇگىندىك»، - دەدى ا. سارىمساقوۆا.

مەكتەپتە وقۋشىلاردىڭ بۇعان قاتىسى جوق ەكەنىنە سەنىمدى. ولاردىڭ پىكىرىنشە، وق مەكتەپ ماڭىنداعى كوپ قاباتتى ۇيلەردىڭ بىرىنەن اتىلعان، ول ءۇشىنشى قاباتتاعى كابينەتتىڭ تەرەزەسىنە تيگەن. وقۋشىلاردىڭ سوزىنە قاراعاندا، اتىلعان دىبىس سىزعىشپەن ۇستەلدى ۇرعانعا ۇقساعان. كەيىن بارلىعى تەرەزەدەگى تەسىك پەن سىنعان شىنى بولشەكتەرىن كورگەن. شىنى سىنىقتارىنان وقۋشى قىزداردىڭ ءبىرى جاراقاتتانىپ قالدى. قالعاندارى جاپا شەكپەدى، الايدا بۇل وقيعا وقۋشىلار اراسىندا ۇرەي تۋدىردى. وقيعادان سوڭ مەكتەپ پسيحولوگى وقۋشىلارمەن اڭگىمەلەسۋ جۇرگىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى