كوكتەمدە كورەرمەندەرگە تاعى ءبىر كوركەم فيلم كورسەتىلمەك
بۇل تۋرالى رەجيسسەردىڭ الەۋمەتتىك جەلىدەگى پاراقشاسىنا جاريالاعان مالىمەتكە سۇيەنىپ، سوزاق اۋدانى اكىمىنىڭ باسپا ءسوز قىزمەتىنەن حابارلادى. تۋعان جەر تاريحى تۋرالى ءتۇسىرىلىپ جاتقان كينو تۋرالى رەجيسسەردىڭ ءوزى ونىڭ ءتۇسىرىلىم جۇمىستارى الماتى وبلىسىندا قاپشاعاي ماڭىندا ءجۇرىپ جاتقاندىعىن ايتتى. ول 1930-جىلعى كوتەرىلىستى، زوبالاڭ جىلداردى ەسكە تۇسىرەتىن بۇل فيلمدى ءتۇسىرۋ يدەياسى وتەش قىرعىزبايەۆتىڭ «سوزاق كوتەرىلىسى» تاريحي رومانىن وقىپ شىققاننان كەيىن تۋىنداعانىن ايتتى.
«وقيعا جەلىسىنە الىنعان اعايىندى التى ادامنىڭ باسىنان وتكەن قيىندىقتار ارقىلى زاماننىڭ شىندىعىن كورسەتسەك»، - دەيدى س. ءابدىحالىقوۆ كارتينا تۋرالى.
اتالعان كينوعا «جاۋجۇرەك مىڭ بالاداعى» سارتاي باتىردىڭ ءومىرىن سومداعان اسىلحان تولەپوۆ، ەلباسى تۋرالى تۇسىرىلگەن «بالالىق شاعىمنىڭ اسپانى» كينوسىنداعى ءابىش اقساقالدىڭ ءرولىن سومداعان ەرجان جارىلقاسىن، تالاي كينولار ارقىلى كورەرمەننىڭ جۇرەگىن جاۋلاعان بەلگىلى اكتريسا رايحان ايتقوجانوۆا تۇسۋدە.
كوكتەم ايىنىڭ سوڭىندا كورەرمەنگە جول تارتاتىن قىسقا مەتراجدى تۋىندى لوندوندا وتەتىن فەستيۆالگە قاتىسپاق.
