ءماۋلىت ايىنا ارنالعان وبلىستىق وقۋشىلار ايتىسى ءوتتى
وبلىستا ەكى اۋىز ءسوزدىڭ باسىن قوسىپ، ولەڭ قۇرايتىن اقىنداردىڭ قاتارى كۇن ساناپ كوبەيىپ كەلەدى. ءبىراق ارتىنا ونەگەلى وسيەت، ۇرپاققا قاجەتتى ءسوز ايتا بىلەتىندەرى سيرەك. سوندىقتان ايتىس ساحناسىنا ەندى شىعىپ جۇرگەن جاستاردى پاراساتتى ولەڭ، ىزگىلىككە تولى جىر ايتۋعا ماشىقتاندىرۋدىڭ ماڭىزدىلىعى زور دەيدى ۇيىمداستىرۋشىلار.
ايتىستىڭ ەكىنشى اينالىمىنا ءبىرىنشى كەزەڭدە جوعارى ۇپاي جيناعان ءتورت ۇمىتكەر شىقتى. ولار - پاۆلودار قالاسىنان كەلگەن ەرداۋلەت ءابدىرايىم، ەكىباستۇزدىق ەلامان تولەۋتاي، باياناۋىلدىق ازامات بازارباي جانە پاۆلودار اۋدانىنان نۇربەك باكىر. ايتىسكەرلەر سوڭعى اينالىمدا دا شابىسىنان جاڭىلماي، توسىننان قويىلعان ساۋالدارعا ۇتىمدى جاۋاپ بەرىپ، كورەرمەننىڭ ىقىلاسىنا بولەندى.
سايىستىڭ قورىتىندىسى بويىنشا، ەرداۋلەت ءابدىرايىم ءبىرىنشى ورىندى جەڭىپ الدى. ەلامان تولەۋتاي مەن ازامات بازارباي ەكىنشى جانە ءۇشىنشى ورىنداردى ەنشىلەدى. كورەرمەن كوزايىمىنا يە بولعان نۇربەك باكىر لەبياجى اۋدانى اكىمدىگىنىڭ ارنايى جۇلدەسىمەن ماراپاتتالسا، ۇيىمداستىرۋشىلاردىڭ شەشىمىمەن ماي اۋدانىنان ات تەرلەتىپ كەلگەن ەرلان باعلانعا «ۇشقىر اقىن» اتالىمى بەرىلدى. جۇلدەگەرلەر مەن بارلىق قاتىسۋشىلارعا العىس حاتتار مەن اقشالاي سىيلىق ۇلەستىرىلدى.
Aitys.kz
