ەلىمىزدەگى نەسيە العان بورىشكەرلەردىڭ جاعدايى جەڭىلدەتىلمەك
بۇگىن الماتىدا ۇلتتىق بانك ءتوراعاسىنىڭ ورىنباسارى قۋات قوجاحمەتوۆ وسىنداي مالىمدەمە جاسادى.
ەستەرىڭىزدە بولسا، پرەزيدەنت تاپسىرماسىمەن ۇلتتىق بانك پەن ۇكىمەت يپوتەكالىق نەسيەلەندىرۋ سالاسىنداعى ماسەلەلەردى شەشۋ ءۇشىن 130 ميلليارد تەڭگە بولەمىز دەپ شەشكەن بولاتىن. ەندى جاڭا باستامانىڭ جاريالى تۇردە ءجۇرۋىن قاتاماسىز ەتۋ ءۇشىن «نۇر وتان» پارتياسىنىڭ اكىمدىكتەر مەن بانك جانە قوعامدىق ۇيىم وكىلدەرىنەن تۇراتىن ارنايى كوميسسيا قۇرىلماق.
قازىر بانكتەرگە بولىنەتىن قاراجات مولشەرى بويىنشا كەلىسسوزدەر ءجۇرىپ جاتقانىن ايتقان قۋات قوجاحمەتوۆ ناقتى شەشىم جۋىق ارادا جاريالانادى دەدى.
قۋات قوجاحمەتوۆ، ق ر ۇلتتىق بانك ءتوراعاسىنىڭ ورىنباسارى:
- ءبىزدىڭ ماقساتىمىز - بارىنشا كوپ ادامدى قامتۋ. ءبىراق بىردەن ايتا كەتەيىن، قارىز كەشىرىلمەيدى. ويتكەنى بانكتەر بۇل اقشانى كەيىن قايتاراتىن بولادى. ءبىراق ۇزاق مەرزىمگە تومەن پايىزبەن بەرىلەدى. بۇل بورىشكەرلەردىڭ جاعدايىن جەڭىلدەتە تۇسەدى. ءبىرىنشى كەزەكتە بۇل باعدارلاماعا 2004-2009 - جىلدار ارالىعىندا نەسيەگە باسپانا العانداردى قاتىستىرۋدى جوسپارلاپ وتىرمىز.
www.24.kz
