ن. نازاربايەۆ تۇراقتىلىق پەن ساتتىلىك سيمۆولى - ياو پەيشەن
«سىزدەردىڭ پرەزيدەنتتەرىڭىز - قازاقستاننىڭ قالىپتاسۋى مەن دامۋىنا ەڭ ۇلكەن ۇلەس قوسقان ادام. نۇرسۇلتان نازاربايەۆ تۇراقتىلىق پەن ساتتىلىك سيمۆولى، سوندىقتان دا قازاقستاندىقتار ونىڭ قىزمەتىن جالعاستىرۋىن قالاپ وتىرعانىن بىلەمىن»، - دەدى ول.
ياو پەيشەننىڭ ايتۋىنشا، شەت مەملەكەتتەردىڭ ساياسي جانە ساراپتامالىق قاۋىمداستىعى قازاقستاندا ءوتىپ جاتقان ۇدەرىستەرگە قىزىعۋشىلىق تانىتىپ كەلەدى.
«كەشە كەشكە مەن كەزەكتەن تىس پرەزيدەنت سايلاۋى تۋرالى بارلىق اقپاراتتى وقىپ شىقتىم. سونىڭ ىشىندە كەزەكتەن تىس پرەزيدەنت سايلاۋى تۋرالى مەملەكەت باسشىلارىڭىزدىڭ ۇندەۋىمەن دە تانىستىم. بۇگىن شياڭگاڭ تەلەارناسى سايلاۋ 26- ساۋىردە وتەتىنىن حابارلادى. سايلاۋ - ول وتە ۇلكەن ساياسي وقيعا. ءبىز قازاقستانداعى جاڭالىقتارعا نازار اۋدارىپ وتىرامىز، قازاقستان مەن قىتاي قارىم-قاتىناسى ودان ارى دامي بەرەتىنىنە ءۇمىت ەتەمىز»، - دەدى ول.
