ەلىمىزدە «ەڭ ۇزدىك باستاۋىش پارتيا ۇيىمى» بايقاۋلارى وتكىزىلەدى
بۇل تۋرالى «نۇر وتان» پارتياسىنىڭ ءتوراعاسى ن. ءا. نازاربايەۆتىڭ كەزەكتى XVI- سەز شاقىرۋ تۋرالى قاۋلىعا قول قويۋىنا وراي وڭىرلەرمەن وتكەن سەلەكتورلىق كەڭەس بارىسىندا پارتيا ءتوراعاسىنىڭ ءبىرىنشى ورىنباسارى باۋىرجان بايبەك حابارلادى.
«پارتياعا ءار نۇروتاندىقتىڭ، ءار ۇياشىقتىڭ پىكىرى ماڭىزدى. سوندىقتان اعىمداعى جىلى «نۇر وتاننىڭ» جۇمىسى باستاۋىش پارتيا ۇيىمدارىنىڭ قىزمەتىنىڭ تيىمدىلىگىن ارتتىرۋعا باعىتتالدى. 2015 -جىل باستاۋىش پارتيا ۇيىمدارىنىڭ جىلى اياسىندا وتەدى»، - دەپ اتاپ ءوتتى ول.
سونداي- اق، ساياساتكەر ەل اۋماعىندا جىل بويى «ەڭ ۇزدىك اۋىلدىق ب پ ۇ»، «ەڭ ۇزدىك ب پ ۇ باسشىسى»، جانە ت. ب. اتالىمدارىمەن «ەڭ ۇزدىك باستاۋىش پارتيا ۇيىمى» بايقاۋلارىنىڭ وتكىزىلەتىنىن ايتتى.
الايدا، ىلكىمدى ءىس ءبىر عانا بۇلارمەن شەكتەلمەك ەمەس. ايتالىق، اعىمداعى جىلدىڭ سوڭىنا دەيىن 1000 باستاۋىش پارتيا ۇيىمىنىڭ ءتوراعالارى ءۇشىن ترەنينگ وتكىزۋ جوسپارلانعان. ءوز كەزەگىندە، وسىعان ۇقساس ترەنينگتەر بۇعان دەيىن ب پ ۇ- نىڭ 124 ءتوراعاسى ءۇشىن استانا قالاسى مەن اقمولا وبلىسىندا وتكىزىلگەن ەدى.
ايتا كەتەيىك، 11 ناۋرىزدا «نۇر وتان» پارتياسىنىڭ كەزەكتى XVI سەزى وتەدى. پارتيا ءتوراعاسى ن. ءا. نازاربايەۆ وسىنداي قاۋلىعا قول قويدى. تيىسىنشە، ايتۋلى شاراعا وڭىرلەردەگى ب پ ۇ- دان 1200 دەن استام دەلەگات قاتىسادى دەپ كۇتىلۋدە. قازىرگى كەزدە بۇكىل ەل اۋماعىنداعى باستاۋىش پارتيا ۇيىمدارىندا دەلەگاتتار ۇسىنۋ ۇدەرىسى باستالدى.
