قىتاي ساراپشىسى: قازاقستان - تۇراقتىلىقتى ساقتاعان مەملەكەت
بۇگىندە قازاقستان ءبىر قالىپتى دامىپ كەلە جاتقان ءارى تۇراقتىلىقتى ساقتاعان مەملەكەت. ال ەلدىڭ ەكونوميكالىق، ساياسي تۇراقتىلىعىن ساقتاپ قالۋ ءۇشىن سىرتتان تونگەن قاۋىپتەردىڭ الدىن الاتىن ناقتى شارالار قولدانىلۋى ءتيىس. «سوندىقتان اسسامبلەيانىڭ ۇسىنىسى ۇتىمدى ءارى ساياسي ويلاستىرىلعان باستاما»، - دەيدى قىتاي مەملەكەتتىك كەڭەسىنە قاراستى ەۋرازيا الەۋمەتتىك دامۋىن زەرتتەۋ ينستيتۋتىنىڭ پروفەسسورى چاۋ چاڭجين.
ونىڭ ايتۋىنشا، بۇل العا قويعان ەكونوميكالىق جانە ستراتەگيالىق دامۋ باعدارلامالارىنىڭ جۇزەگە اسۋىنا سەپتىگىن تيگىزەدى.
چاۋ چاڭجين، ق ح ر مەملەكەتتىك كەڭەسى جانىنداعى ەۋرازيا الەۋمەتتىك دامۋىن زەرتتەۋ ينستيتۋتىنىڭ پروفەسسورى:
- بۇل مەملەكەتتىڭ قازىرگى ىشكى جانە سىرتقى ساياسي جاعدايىنا قاجەتتىلىكتەن تۋىنداعان دەر كەزىندە ۇسىنىلعان باستاما. العا قويعان «قازاقستان-2050»، «نۇرلى جول» سەكىلدى ەكونوميكالىق دامۋ باعدارلامالارىنىڭ ەل ىشىندە وتكىزگەلى تۇرعان حالىقارالىق شارالارىنىڭ ويداعىداي ورىندالۋىنا ىقپال ەتەدى. سايلاۋ - ەكونوميكا، ساياسات، الەۋمەتكە دە ءتيىمدى باستاما.
