قازاقستاندا جاڭا مەيرام اتا-انالار كۇنى پايدا بولدى

2015 -جىلدىڭ 1- قاڭتارىنداعى مالىمەتكە جۇگىنسەك، قازاقستاندا 5037 ۇ و س-نىڭ ارداگەرى مەن مۇگەدەگى بار. ولاردىڭ ىشىندە 1434 ءى جەڭىسكە قوسقان ۇلەسى ءۇشىن ۇ و س-نا قاتىسۋشىلارمەن تەڭەستىرىلگەن. بۇگىنگى كۇنى ەلىمىزدە زەينەتكەرلەردىڭ جالپى سانى 1 ميلليون 915 مىڭ ادامدى قۇرايدى، ال بيىلعى جىلى تاعى 120 مىڭ ادام زەينەتكەرلىك جاسقا جەتەدى دەپ كۇتىلۋدە.

ءبىراق، وكىنىشكە وراي، ەلىمىزدە قارتتار ۇيىندە ءومىر سۇرەتىن اتا-اجەلەردىڭ سانى ازايار ەمەس. ستاتيستيكاعا جۇگىنسەك، جاقىنى جاتقا تاستاعان قاريالاردىڭ سانى 7 مىڭنان اسىپ جىعىلادى ەكەن. دەمەك، جەتى مىڭنان استام قاريا مەيىرىم مەن قامقورلىققا ءزارۋ.

«باۋىرجان» قوعامدىق قورى 26- اقپاندى اتا-انالار كۇنى دەپ جاريالاۋدى ۇسىنادى. بۇل كۇنى ءبىز «اتا-اناڭدى قۇتتىقتا!» اتتى مەيىرىمدىلىك ەستافەتاسىن ۇيىمداستىرامىز. ءبىزدىڭ بۇل باستامامىز ءاربىر ادامدى ءوزىنىڭ اكە-شەشەسىن ۇمىتپاي، ولاردىڭ حالىن سۇراۋعا، تىم بولماسا حابارلاسىپ، ونى قۋانتۋعا شاقىرادى. ال «باۋىرجان» قايىرىمدىلىق قورى بۇل جوبانىڭ اۆتورى ءارى ينيتسياتورى رەتىندە قوعام جاۋاپكەرشىلىگىن موينىنا الىپ، بالالارى جوق اتا-انالاردى قۇتتىقتاۋ ءۇشىن قارتتار ۇيىنە بارادى. اتا-انالار كۇنى - جارىمجان قارتتاردىڭ ءبىر ۋاقىت ۋايىم-قايعىلارىن ۇمىتىپ، ءبىر-ءبىرىن قۇتتىقتاپ، شاتتىققا كەنەلەتىن مەرەكەسى.

ءبىزدىڭ باستامامىزدى «پريما ديستريبيۋشن» ج ش س كومپانياسى «Palmolive» جانە «Colgate» تاۋار بەلگىسىمەن قولداپ وتىر. 26-اقپانعا جوسپارلانعان قايىرىمدىلىق كونسەرتى الماتى قالاسىنداعى ارداگەرلەر ۇيىندە وتكىزىلەدى. بۇگىنگى كۇنى اتالعان قارتتار ۇيىندە مەيىرىمگە مۇقتاج 330 قاريا ءومىر ءسۇرىپ جاتىر.

ارداگەرلەر ءۇيىنىڭ تۇرعىندارىن تانىمال ارتىستەر (ايجان نۇرماعانبەتوۆا، ديانا شاراپوۆا، ت. ب.) مەن «ءتاڭسارى» بالالار ءانسامبلىنىڭ قاتىسۋىمەن بولاتىن كونسەرتتىك باعدارلاماعا قوسا ارنايى دايىندالعان سىيلىقتار كۇتۋدە.

بۇل كونسەرتتىڭ ەڭ باستى ماقساتى تاعدىردىڭ تالكەگىنە ءتۇسىپ، وتباسىنسىز قالعان قاريالارعا كوڭىل ءبولىپ، ولارعا قولداۋ كورسەتىپ، قامقورلىق تانىتۋ بولىپ تابىلادى. اتالعان شاعىن ءىس-شارا ارقىلى «باۋىرجان» قورى قوعامنىڭ نازارىن قامقورسىز قاريالارعا اۋدارىپ، ۇلكەندەرگە قۇرمەت كورسەتىپ، ولارعا ءىلتيپات ەتۋدى ناسيحاتتايدى.

سوندىقتان بارلىقتارىڭىزدى ادامگەرشىلىك ءىس اتقارۋعا شاقىرامىز!

قارتتاردىڭ الدىندا مەيىرىمدى، اق جۇرەكتى ادام بولىپ قالايىق. ولارعا كوبىرەك كوڭىل بولەيىك! اتا-انالار مەيرامىمەن قۇتتىقتايىق! ولار دا «اتا-انا» دەگەن اتقا لايىقتى جاندار عوي.

«باۋىرجان» قوعامدىق قورى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى