زارينا دياس قارسىلاسىنا ەسە جىبەردى

چەمپيونات. كوم سايتىنان الىنعان مالىمەتكە قاراعاندا، اسا تارتىستى وتكەن ماتچتىڭ ءبىرىنشى پارتياسىن 7:5 ەسەبىمەن زارينا ۇتسا، ەكىنشىسىندە نەمىس تەننيسشىسى باسىمدىلىق كورسەتتى (6:2). ءۇشىنشى، شەشۋشى پارتيادا ا. پەتكوۆيچ 6:4 ەسەبىمەن جەڭىسكە جەتىپ، بۇدان ءبىر اپتا بۇرىن دۋبايدا زارينادان جەڭىلىپ قالعانىنىڭ قارىمتاسىن قايىردى. دەگەنمەن بۇل ويىن قازاق تەننيسشىسىنىڭ الەمنىڭ ۇزدىك ويىنشىلارىمەن تەرەزەسى تەڭ دارەجەدە تايتالاسا الاتىنىن كورسەتتى.

ەندى شيرەك فينالدا ا. پەتكوۆيچ الەمنىڭ توعىزىنشى، وسى تۋرنيردىڭ بەسىنشى راكەتكاسى، رەسەيلىك ەكاتەرينا ماكاروۆانى ءۇش پارتيادا ۇتقان چەحيالىق، دۇنيە جۇزىلىك رەيتينگتە 15- ساتىداعى ليۋسي شافارجوۆامەن كورتقا شىعادى.

ايتا كەتەيىك، دۋبايدا ەرلەر اراسىندا ءوتىپ جاتقان ءىرى تۋرنيردە قازاقستاندىق اندرەي گولۋبيەۆ ەكىنشى اينالىمدا الەمنىڭ ءبىرىنشى راكەتكاسى، سەربيالىق نوۆاك دجوكوۆيچتەن جەڭىلىس تاپتى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى