ب. ساپاربايەۆ قىزىلشاعا قارسى ۆاكسينانى ساپالى ساراپتامادان وتكىزۋدى قامتاماسىز ەتۋدى تاپسىردى

جيىنعا مينيسترلىكتەر، ۆەدومستۆولار، جەرگىلىكتى اتقارۋشى ورگاندار باسشىلارى قاتىستى، دەپ حابارلادى ق ر پرەمەر- ءمينيسترىنىڭ سايتىندا.

اتاپ وتىلگەندەي، 15-19 جاس ارالىعىنداعى تۇلعالاردى قوسىمشا يممۋندەۋ ءۇشىن قالىپتاسقان ەپيدەميولوگيالىق جاعدايدى ەسەپكە الىپ، قىزىلشاعا قارسى 1 ميللين دوزا مونوۆاكسينا ساتىپ الىندى. 15-19 جاس ارالىعىن تاڭداۋ جاسوسپىرىمدەردىڭ قىزىلشانى جۇقتىرۋ كورسەتكىشتەرىنىڭ جوعارى بولۋىنا بايلانىستى بولدى.

ۆاكسيناتسيا قىزىلشاعا قارسى مونوۆاكسيناعا قارسى جۇرگىزىلدى. بۇل ەكپە د د س ۇ- دا 1993 - جىلى الدىن الا بىلىكتىلىكتەن وتكەن. 39 ەلدە تىركەلىپ، يۋنيسەف جەلىسى بويىنشا 45 ەلگە جەتكىزىلەدى.

2015 - جىلعى 19 - اقپانداعى جاعداي بويىنشا رەسپۋبليكادا 881 مىڭ ەگىلۋى ءتيىس بالالاردىڭ ىشىنەن 59,4 پايىزى ۆاكسينا قابىلدادى. 24 - اقپاندا 185-ءى مەديسينالىق كومككە جۇگىنگەن. بۇل جالپى ەگىلگەندەر سانىنىڭ 0,03 پايىزىن قۇرايدى.

تەكسەرۋ بارىسىندا كوپ جاعدايدا بالالاردىڭ شاعىمدارى ولاردىڭ ەكپەگە جەكە سەزىمتالدىعىنا بايلانىستى ەكەنى انىقتالدى.

بالالارعا تولىقتاي كومەك كورسەتىلەدى. قاجەت بولعان جاعدايدا، ستاتسيونارعا جاتقىزىلادى.

قازىر قىزىلشاعا قارسى ەكپە رەسپۋبليكا بويىنشا توقتاتىلدى.

جيىندى قورىتىندىلاعان ب. ساپاربايەۆ ۆاكسينانى ساپالى ساراپتامادان وتكىزۋدى، جاپپاي ەكپە كەزىندە تالاپتاردى ساقتاۋدى، ەكپەدەن كەيىنگى اسەرىنىڭ سەبەپتەرىن انىقتاۋ بولىگىندە وڭىرلىك كوميسسيا قىزمەتىن ۇيلەستىرۋ بويىنشا رەسپۋبليكالىق جۇمىس توبىن قۇرۋدى تاپسىردى.

سونىمەن قاتار ۆيسە- پرەمەر ۇلتتىق ەكپە كۇنتىزبەسىنە سايكەس ودان ءارى يممۋندەۋ جۇرگىزۋگە باقىلاۋدى كۇشەيتۋگە نۇسقاۋ بەردى. جەرگىلىكتى، اتقارۋشى مەمورگاندارعا بۇل تاقىرىپتا الىپقاشپا اڭگىمەلەردىڭ بولماۋى ءۇشىن ب ا ق- پەن ءتۇسىندىرۋ اقپاراتتىق جۇمىستارىن جۇرگىزۋدى تاپسىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى