بۇزاقىلاردىڭ شابۋىلىنان تيتىقتاپ بىتكەن ەۆرەيلەر وزدەرىن قورعاۋ شارالارىن قولعا الا باستادى

24- اقپان كۇنى پراگادا جينالعان 100 شاقتى راۆۆين سۋىق قارۋمەن شابۋىل جاساعاندارعا قالاي تويتارىس بەرۋ تاسىلدەرىن دە ۇيرەندى. العاشىندا ءدارىستى كۇلكىگە اينالدىرعان ءدىن ادامدارى، كەيىننەن قازا بولعان ارىپتەستەرى ەستەرىنە تۇسكەندە جاتتىعۋ جۇمىستارىنا جان-تانىمەن كىرىستى. راۆۆيندەر الداعى ۋاقىتتا مۇنداي جاتتىعۋلاردى ەۋروپانىڭ وزگە دە قالالارىندا وتكىزۋدى جوسپارلاپ وتىرعان كورىنەدى.

ەۋروپا ەۆرەي قاۋىمداستىعىنىڭ باسشىسى مەناحەم مارگوليننىڭ (Menachem Margolin) ايتۋىنشا، كوپتەگەن ەۋروپا ەلدەرىندە ۇكىمەت ەۆرەي ينستيتۋتتارىن قورعاۋدى دوعارعان. سول سەبەپتى، ەۆرەيلەر وزدەرىن قورعاۋ شارالارىن مىقتاپ قولعا الىپتى.

ايتا كەتۋ كەرەك، وسى ايدىڭ باسىندا كوپەنگاگەندە ەۆرەيلەر عيماراتىنىڭ كۇزەتشىسىن بەلگىسىز بىرەۋلەر اتىپ كەتكەن. ال قاڭتار ايىندا پاريجدە لاڭكەستەر 20 ەۆرەيدى تۇتقىنعا الىپ، ولاردىڭ تورتەۋىن ولتىرگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى