الەمدە ازاماتتىعى جوق قانشا ميلليون ادام بار؟

تۇساۋ كەسەر بارىسىندا سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى يكرام ادىربەكوۆ بوسقىندار مەن ازاماتتىعى جوق تۇلعالارعا قاتىستى ماسەلەلەرگە توقتالا كەلە، زاڭنامالىق جەتىلدىرۋگە دە نازار اۋداردى.

سەناتوردىڭ ايتۋىنشا، ازاماتتىعى جوق كوپتەگەن تۇلعالار ءماجبۇرلى تۇردە قونىس اۋدارۋلاردىڭ قۇربانىنا دا اينالادى. «قازىرگى تاڭدا قازاقستان رەسپۋبليكاسى بوسقىندار دەپ تانىعان تۇلعالار قازاقستاننىڭ ازاماتتىعىن الۋعا ءوتىنىش بەرۋدىڭ زاڭ جۇزىندەگى قۇقىعىنا يە ەمەس. سونىمەن قاتار، ءىس جۇزىندە بوسقىنداردىڭ باسىم بولىگى تۇرعىلىقتى تۇرۋعا قاتىستى ءوتىنىش بەرگەندە ولارعا باس تارتىلىپ جاتادى. سوسىن، قازاقستان اۋماعىندا تۋعان بوسقىنداردىڭ بالالارى دا قازاقستان ازاماتى بولىپ مويىندالمايدى، سونىڭ سالدارىنان ولار ازاماتتىعى جوق تۇلعالارعا اينالادى»، - دەدى سەناتور ي. ادىربەكوۆ.

توقتالا كەتەتىن جايت، ب ۇ ۇ باس اسسامبلەياسى ۇيىمنىڭ بوسقىندار ءىسى جونىندەگى جوعارعى كوميسسارى باسقارماسىنا ازاماتتىعى جوق ادامداردى ازايتۋ جانە ونىڭ الدىن الۋ ماسەلەسىن قاداعالاۋدى جۇكتەگەن. ال سوڭعى باعالاۋلارعا جۇگىنسەك، الەمدە شامامەن 11 ميلليون ادامنىڭ ازاماتتىعى جوق بولىپ وتىر. ازاماتتىعى جوق دەگەننىڭ ءوزى بىلىمگە، مەديتسينالىق قىزمەتتەرگە، زاڭدى جۇمىسقا ورنالاسۋعا شەكتەۋ بولاتىنىن، ەمىن-ەركىن ءجۇرىپ تۇرۋعا كەدەرگى كەلتىرەتىنىن بىلدىرەدى.

ايتا كەتەيىك، انىقتامالىق حالىقارالىق قۇقىقتىڭ قورعاۋىندا بولعان ازاماتتىعى جوق تۇلعالاردىڭ قۇقىقتارى مەن مىندەتتەرى تۋرالى اقپاراتتاندىرۋعا ارنالعان.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى