قىزىلوردادا ۇلى وتان سوعىسى تۋرالى فيلمدەر كورسەتىلە باستادى

وبلىستىق حالىق شىعارماشىلىعىن دامىتۋ جانە مادەني-پروديۋسەرلىك ورتالىعى جەڭىستىڭ 70 جىلدىق مەرەكەسىنە وراي سوعىس تۋرالى فيلمدەردىڭ كورسەتىلىمىن ۇيىمداستىردى. بۇل اكسيا العاش رەت قاڭتار ايىندا قالاداعى قارتتار ۇيىندە «ستالينگراد»، «44-جىلدىڭ تامىزى» («ۆ اۆگۋستە 44-گ و») اتتى كينوفيلمدەرىنەن باستاۋ الدى.

بۇگىن تالسۋاتتاعى وڭالتۋ ورتالىعىندا تاربيەلەنەتىن بالالار «ستالينگراد» كينو فيلمىن تاماشالادى.

سوعىس تۋرالى كينو فيلمدەر 4 اي بويى كورسەتىلەتىن بولادى. نەگىزگى ماقسات قارتتار ءۇيىنىڭ تۇرعىندارىنا كوتەرىڭكى كوڭىل-كۇي سىيلاۋ، ال مەكتەپ وقۋشىلارىنا جاۋدى جەڭگەن بابالارىنىڭ وشپەس ەرلىگى مەن ۇلىلىعىن وسى فيلمدەر ارقىلى ناسيحاتتاۋ بولىپ وتىر.

الداعى ۋاقىتتا قالا ورتالىعىنداعى بىرنەشە ورتا مەكتەپتەردە، ارنايى وڭالتۋ مەكتەپ-ينتەرناتىنىڭ تاربيەلەنۋشىلەرىنە «مەرگەندەر» («سنايپەرى»)، «41-جىلدىڭ ماۋسىمى» («ۆ يۋنە 41-گ و»)، «ستالينگراد» كينو فيلمدەرى، وبلىستىق جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان بالالار ۇيىندە «باۋىرجان مومىش ۇلى» اتتى دەرەكتى فيلم، «بۇل جەڭىس كۇنى» («ەتوت دەن پوبەدى»)، «مانشۇك تۋرالى جىر» («پەسن و مانشۋك») اتتى كينو فيلمدەر تەگىن كورسەتىلەتىن بولادى.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى