قايرات نۇرتاستىڭ جۇمباعى قاشان شەشىلەدى - فوتو
ميلليونداردىڭ سۇيىسپەنشىلىگىنە بولەنگەن ءانشىنىڭ ونەر بيىگىنە ءبىر دەمدە جەتۋىنىڭ سىرى نەدە؟ ءدال بۇگىنگى تۋعان كۇنىندە «الاش ايناسى» قايرات تۋرالى ەڭ قىزىق دەگەن دەرەكتەردى جيناقتاپ، جاريالاعان ەكەن.
قايرات ورىنداعان اندەردىڭ ءبارى نەگە «حيت» بولادى؟ بۇل سۇراققا جاۋاپ ىزدەگەندە بەكبولات تىلەۋحان اعامىزدىڭ قايرات تۋرالى ايتقان مىنا ءبىر ءسوزى ەسىمىزگە تۇسەدى: «قايراتتىڭ اندەرىن كوپتەگەن جاستار ءسۇيىپ تىڭدايدى. دەمەك قايرات مىڭداعان تىڭدارماننىڭ جۇرەك قىلىن شەرتە ءبىلدى» دەگەن ەدى اعامىز. بۇل سوزبەن كەلىسۋگە بولادى، قايراتتىڭ داۋسىندا وزىنە ءتان بوياۋ، رومانتيكا، دراما بار.
قايرات نۇرتاس - تەك قازاقشا سويلەيدى، كەز-كەلگەن ارناعا، گازەت-جۋرنالدارعا تەك قازاق تىلىندە سۇقبات بەرەدى.
قايرات نۇرتاس تەك اناسى گۇلزيرا ايداربەكوۆانىڭ ارقاسىندا باس اينالدىرار تابىسقا جەتتى مە؟
قايراتتىڭ ونەر شىڭىن باعىندىرۋىنا ارينە، اناسىنىڭ پروديۋسەر رەتىندە كومەگى زور بولعانى شىندىق. سۇقباتتارىنىڭ بىرىندە قايرات: «انام ماعان كەيدە ءتىپتى دامىل تاپتىرمايدى. تاڭەرتەڭ استانادا، كەشكە الماتىدا كونسەرت بەرەتىن كەزدەر كوپ بولادى. كەيدە ءتىپتى «ماما، جاقسىلاپ دەمالايىقشى» دەپ وتىنەتىن كۇندەرىم دە بولدى»، دەگەن ەدى ءانشى. دەگەنمەن پروديۋسەرلەرى قانشا سۇيرەسە دە جەتىستىككە جەتە المايتىن دا انشىلەر بار. تىڭدارمانىن ءارقاشان جاڭا اندەرىمەن قۋانتىپ وتىراتىن قايراتقا «جارايسىڭ» دەيمىز.
قايراتتى مويىندامايتىن ونەر يەلەرى دە بار...
قايرات نۇرتاستىڭ ونەرىن مويىندامايتىندار قاتارىندا روزا رىمبايەۆا، بيبىگۇل تولەگەنوۆا، اينۇر تۇرسىنبايەۆا سەكىلدى ونەر يەلەرى بار. روزا قۋانىش قىزى: «مەن «اۋىرمايدى جۇرەك» سەكىلدى جەڭىل-جەلپى اندەردى قابىلداي المايمىن، مەن ءوز اتىمنان برەند شىعاراتىن قايرات نۇرتاس ەمەسپىن» دەسە، اينۇر تۇرسىنبايەۆا: قايرات اناسىنىڭ ارقاسىندا جۇرگەن ءانشى... قازاق تاريحىندا ونىڭ داۋىسى التىن ءارىپ بولىپ جازىلمايدى. كەلەشەكتە ۇمىتىلادى»، دەگەنى كوپشىلىكتىڭ ەسىندە. ال بيبىگۇل تولەگەنوۆا قايراتتى تىڭدامايتىنىن، مويىندامايتىنىن ايتقان ەدى.
قايرات ءوزىنىڭ وتباسىلى ەكەنىن مويىندامايدى...
جاقىندا عالامتوردا قايرات نۇرتاستىڭ ءتورتىنشى پەرزەنتىنىڭ دۇنيەگە كەلگەندىگى تۋرالى اقپارات تارادى. ەستۋىمىزشە، ءسابيدىڭ اتى حان. ءتورتىنشى رەت اكە اتانعان بەلگىلى ءانشىنىڭ بۇدان باسقا سەزىم، الاۋ اتتى قىزدارى، نارۇل اتتى ۇلى بار ەكەنىنەن دە كوپشىلىك حاباردار. تەك قايراتتىڭ ءوزى وتباسى تۋرالى ەشقاشان اشىپ ايتقان ەمەس. ءوزىنىڭ جارى مەن بالالارى تۋرالى ايتپاق تۇگىلى، قايرات ءوزىنىڭ ۇيلەنگەنىن دە «مويىندامايدى». قاي قالاعا بارسا دا قايرات كونسەرت بارىسىندا: «مۇمكىن مەن بويداق شىعارمىن، وسىندا قالىڭدىق ىزدەپ كەلگەن شىعارمىن» دەپ ارۋلاردى دامەلەندىرىپ قويۋعا قۇمار. سوندا قايراتتىڭ بويداق ەمەس ەكەنىن قىز-قىرقىن بىلسە، ونىڭ تانىمالدىعىنا نۇقسان كەلەدى دەگەنى مە؟ كىم ءبىلسىن؟
نەدە بولسا ءبىز قايراتتىڭ جارى جۇلدىزدىڭ توزىمدىلىگىنە ءتانتىمىز. ءانشىنىڭ زاڭدى ايەلى، ءوزى بالالارىنىڭ اناسى بولا تۇرا كۇيەۋى تەلەارنالاردان «سۇر بويداقپىن» دەپ سۇقبات بەرىپ تۇرعاندا قانداي اسەردە بولادى ەكەن. ايتپاقشى، ءبىرتالاي جۇرت قايراتتىڭ جۇلدىزبەن اجىراسىپ كەتكەنىن، قازىرگى كەزدە باتىس ءوڭىرىنىڭ ءبىر قىزىمەن جۇرەتىنىن دە جاپاتارماعاي جازعان بولاتىن. دەگەنمەن قايراتتىڭ ءتورتىنشى بالاسىنىڭ دۇنيەگە كەلگەنى راس بولسا، دەمەك اجىراسقانى تۋرالى اقپاراتتىڭ جالعان بولعانى.
نەدە بولسا، قايراتتىڭ ونەرىنە عاشىق تىڭدارماندار ءۇشىن قايراتتىڭ ادامگەرشىلىك قاسيەتى ماڭىزدىراق دەپ بىلەمىز. حالىق الدىندا، كيەلى ساحنادا جۇرگەن سەرى انشىگە ءوزىنىڭ قانداي جار، قانداي اكە ەكەنىن جاسىرعانى جاراماس. قالىڭ جۇرتشىلىق قايراتتىڭ جۇمباعى شەشىلەتىن كۇندى اسىعا كۇتەدى.
ال ءبىز ءوز تاراپىمىزدان تۋعان كۇن يەسى قايراتقا ونەردە دە، ومىردە دە تەك ساتتىلىك تىلەيمىز!
