قىزىلوردادا تەمىربەك جۇرگەنوۆ تۋرالى دەرەكتى فيلمىنىڭ تۇساۋكەسەرى بولدى - فوتو

ءبىر ساعاتقا جۋىق كورسەتىلگەن دەرەكتى فيلمدە تەمىربەك جۇرگەنوۆتىڭ بالالىق شاعىنان باستاپ، ونىڭ قوعامدىق جۇمىستارعا بەلسەنە ارالاسقانى، حالقى ءۇشىن ايانباي تەر توككەنى كەزەڭ-كەزەڭىمەن سيپاتتالادى. فيلمدە تەمىربەك جۇرگەنوۆتىڭ جۇبايى دامەش ەرمەكوۆانىڭ ەستەلىكتەرى كەلتىرىلگەن، سونداي-اق ت. جۇرگەنوۆتىڭ ءومىرى مەن قىزمەتىنە قاتىستى كوپتەگەن مۇراعاتتىق دەرەكتەر قولدانىلعان.

كوپشىلىكتىڭ كوڭىلىنەن شىققان فيلمدى تۇسىرگەن بەلگىلى رەجيسسەر ەركىن راقىشيەۆ بۇل فيلم 6 اي بويى تۇسىرىلگەنىن ايتتى. «دەرەكتى تۋىندىدا ق ر ۇلتتىق قاۋىپسىزدىك كوميتەتى ۇسىنعان، وزبەكستان، تاجىكستان، ماسكەۋدەن الىنعان ءارى وتە سيرەك پايدالانىلعان مۇراعاتتىق قۇجاتتار مەن فوتوماتەريالداردى قولداندىق»، - دەدى رەجيسسەر.

سونداي-اق، ت. جۇرگەنوۆ تۋرالى ءۇش بولىمنەن تۇراتىن كىتاپتىڭ تۇساۋكەسەرى بولدى. بۇل جيناققا عالىمداردىڭ زەرتتەۋلەرى مەن ماقالالارى، بۇرىن جاريالانباعان ءبىرقاتار تىڭ دەرەكتەر، اقىنداردىڭ ارناۋ، جىر-تولعاۋلارى توپتاستىرىلعان.

«بۇل دەرەكتى فيلم مەن كىتاپتىڭ تۇساۋكەسەرىن بۇگىن وتكىزىپ وتىرعان سەبەبى، بۇگىن ت. جۇرگەنوۆتىڭ 1938-جىلى 25- اقپاندا اتىلعان كۇنى. وسىعان بايلانىستى تاريحي تۇلعانى ەسكە الىپ، وسى شارالاردى ۇيىمداستىرىپ وتىرمىز»، - دەدى ت. جۇرگەنوۆ اتىنداعى قوردىڭ ءتوراعاسى س. اڭساتوۆ.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى