الماتى اكىمى سىرتتان كەلەتىندەردەن ساقتاندىرۋ پوليستەرىنىڭ بولۋىن تالاپ ەتۋدى ۇسىندى

ونىڭ ويىنشا، وڭ ميگراتسيانىڭ سالدارىنان قالا تۇرعىندارىنىڭ مىندەتتى مەديتسينالىق كومەك الۋى قيىنداي تۇسەدى.

«كەز-كەلگەن ەلگە بارساڭىز، ساقتاندىرۋ ءپوليسىنىڭ تولەنۋىن تالاپ ەتەدى. الەمدە بار تاجىريبە. سول سياقتى ءبىز دە وسىنى ەنگىزۋىمىز كەرەك. ميگراتسيا اعىنى قالا تۇرعىندارىنىڭ مىندەتتى مەديتسينالىق كومەك الۋىن قيىنداتا تۇسەدى. بىلتىردىڭ وزىندە ستاتسيونارلىق ورىنداردا سىرتتان كەلگەن 19 مىڭ ادامعا مەديتسينالىق كومەك كورسەتىلگەن. پەرزەنتحانالاردا شەتەلدەن كەلگەن 500 كەلىنشەك بوساندى. وعان كەتكەن شىعىن ءالى تولەنگەن جوق»، - دەدى قالا باسشىسى ا. ەسىموۆ.

قالا اكىمى وسىعان بايلانىستى قالالىق كوشى-قون قىزمەتىنە سىرتتان كەلەتىندەردەن مىندەتتى ساقتاندىرۋ ءپوليسىن تالاپ ەتۋدى ۇسىندى.

ونىڭ ايتۋىنشا، قالالىق مەديتسينالىق مەكەمەلەر بيۋدجەتتىڭ قارجىسىنان بىرتە-بىرتە تاۋەلسىزدىگىن ازايتۋ كەرەك.

«مەديتسينالىق مەكەمەلەر ءوزىن-ءوزى اقتايتىن قارجىلىق جاعدايعا كوشۋى كەرەك. اسىرەسە، ارزان قۇرال-جابدىق ساتىپ الۋ مەن جوندەۋ جۇمىستارىنا كەلگەندە. وسى جەردە جەكە كلينيكالاردان ۇلگى الۋ كەرەك. ولارعا ەشكىم اقشا بەرىپ جاتقان جوق. سوندا دا جۇمىس ىستەپ كەلەدى»، - دەدى ا. ەسىموۆ.

القالى جيىندا كادر تاپشىلىعى ماسەلەسى دە كوتەرىلدى. قازىرگى تاڭدا قالادا 500 دارىگەر مەن 750 ورتا مەديتسينا ماماندارى تاپشى.

شاھار باسشىسى كەلەر جىلعا قويىلعان مىندەتتەردى دە اتاپ ءوتتى.

«قالالىق دەنساۋلىق ساقتاۋ باعدارلاماسى اياسىندا بارلىق ينديكاتورلارعا جەتۋ، مامان تاپشىلىعىن جويۋ، قارجىلىق تاۋەلسىزدىككە ۇمتىلۋ، مەديتسينا سالاسىنىڭ ماماندارىن ىنتالاندىرۋ ماسەلەسىن باستى نازاردا ۇستاۋ كەرەك»، - دەدى ول.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى